فۋتبول جاتتىقتىرۋشىسى ەسەنبەك سىزدىقوۆ ومىردەن وزدى، دەپ حابارلايدى "ادىرنا" ۇلتتىق پورتالى.
فۋتبولشى، جاتتىقتىرۋشى 74 جاسىندا قايتىس بولدى.
ەسەنبەك كابيرۇلى سىزدىقوۆتىڭ قازاسى تۋرالى "شاحتەر" فۋتبول كلۋبىنىڭ ءباسپاسوز قىزمەتى حابارلادى.
"74 جاسىندا قازاقستان رەسپۋبليكاسىنىڭ ەڭبەك سىڭىرگەن فۋتبول جاتتىقتىرۋشىسى ەسەنبەك كابيرۇلى سىزدىقوۆ ومىردەن ءوتتى. ەسەنبەك كابيرۇلى بۇكىل سانالى عۇمىرىن فۋتبولعا قىزمەت ەتۋگە ارنادى. وسى جىلدار ىشىندە "شاحتەر" فك باس باپكەرى، كوماندا باسشىسى، سپورت ديرەكتورى، قازاقستان رەسپۋبليكاسى ۇلتتىق فۋتبول ليگاسىنىڭ توراعاسى، قاراعاندى قالاسىنداعى فۋتبول بويىنشا "جاستار" وسيۋشور-نىڭ ديرەكتورى بولدى.
"شاحتەر" فك باسشىلىعى مەن كومانداسى ەسەنبەك كابيرۇلىنىڭ وتباسى مەن جاقىندارىنا قايعىلارىنا ورتاقتاسىپ، اۋىر جانە ورنى تولماس قازاعا قايعىرادى. قازانىڭ ورنىن ەشبىر ءسوز تولتىرا المايدى. ەسەنبەك كابيرۇلىنىڭ جارقىن ەستەلىگى ونى بىلەتىن بارشانىڭ جۇرەگىندە ماڭگى ساقتالادى", – دەپ جازدى "شاحتەر" فۋتبول كلۋبىنىڭ ءباسپاسوز قىزمەتى.
