الەۋمەتتىك جەلىدە تاراعان ۆيدەودا ساربازدى پويىز تامبۋرىندا ۇرعان ەر ادامنىڭ كىم ەكەنى انىقتالدى، دەپ حابارلايدى "ادىرنا" ۇلتتىق پورتالى.
مەملەكەت باسشىسى ۇلتتىق ۇلان ساربازىن ۇرىپ-سوققان ۆيدەونىڭ ءمان-جايىن انىقتاۋدى تاپسىرعان ەدى.
بەلگىلى بولعانداي، وقيعا 2023 جىلدىڭ كۇزىندە، قىزمەت مەرزىمى اياقتالعاننان كەيىن زاپاسقا شىعارىلعان مەرزىمدى اسكەري قىزمەتشىلەر ۇيگە ورالعان كەزدە تۇسىرىلگەنى انىقتالدى.
“وسى فاكت بويىنشا 2024 جىلعى 23 قىركۇيەكتە قازاقستان رەسپۋبليكاسى قىلمىستىق كودەكسىنىڭ 440-بابى 1-بولىگى "اسكەري قىزمەتشiلەر اراسىندا باعىنىشتىلىق قاتىناستار بولماعان كەزدە ولاردىڭ اراسىنداعى ءوزارا قارىم-قاتىناستاردىڭ جارعىلىق قاعيدالارىن بۇزۋ" بويىنشا قىلمىستىق ءىس قوزعالدى”،- دەپ حابارلادى ءىىم.بارلىق قاتىسۋشى، اتاپ ايتقاندا، كۋاگەر، جابىرلەنۋشى جانە كۇدىكتىلەر انىقتالدى. كۇدىكتىلەردى ۇستاۋعا باعىتتالعان شارالار قابىلدانىپ جاتقانى ايتىلدى.
ۇقساس جاڭالىقتار
