Áleýmettik jelide taraǵan vıdeoda sarbazdy poıyz tambýrynda urǵan er adamnyń kim ekeni anyqtaldy, dep habarlaıdy "Adyrna" ulttyq portaly.
Memleket basshysy Ulttyq ulan sarbazyn uryp-soqqan vıdeonyń mán-jaıyn anyqtaýdy tapsyrǵan edi.
Belgili bolǵandaı, oqıǵa 2023 jyldyń kúzinde, qyzmet merzimi aıaqtalǵannan keıin zapasqa shyǵarylǵan merzimdi áskerı qyzmetshiler úıge oralǵan kezde túsirilgeni anyqtaldy.
“Osy fakt boıynsha 2024 jylǵy 23 qyrkúıekte Qazaqstan Respýblıkasy Qylmystyq kodeksiniń 440-baby 1-bóligi "Áskerı qyzmetshiler arasynda baǵynyshtylyq qatynastar bolmaǵan kezde olardyń arasyndaǵy ózara qarym-qatynastardyń jarǵylyq qaǵıdalaryn buzý" boıynsha qylmystyq is qozǵaldy”,- dep habarlady IIM.
Barlyq qatysýshy, atap aıtqanda, kýáger, jábirlenýshi jáne kúdiktiler anyqtaldy. Kúdiktilerdi ustaýǵa baǵyttalǵan sharalar qabyldanyp jatqany aıtyldy.
