بالالار جازۋشىسى، اقىن بەردىبەك سوقپاقباەۆتىڭ زاعيپ جاندارعا ارنالعان كىتابى جارىققا شىقتى، دەپ حابارلايدى “ادىرنا” ۇلتتىق پورتالى.
الماتىداعى زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحانادا اقىننىڭ تۋعانىنا 100 جىل تولۋىنا وراي «بالالار ادەبيەتىنىڭ بايتەرەگى» اتتى حالىقارالىق ونلاين كونفەرەنتسيا ءوتتى.
وعان قازاقستان، رەسەي، وزبەكتان، قىرعىزستان، تاتارستان زاعيپ جانە ناشار كورەتىن ازاماتتارىنا ارنالعان ارنايى كىتاپحانالار قاتىستى. جيىندا جازۋشى شىعارماشىلىعىنىڭ ومىرشەڭ تۇستارى، كەيىپكەرلەرىنىڭ ەرەكشە پورترەتى جايلى پىكىرلەر ايتىلدى.
مادەنيەت جانە اقپارات مينيسترلىگىنىڭ ءباسپاسوز قىزمەتى مالىمەتىنشە، كونفەرەنتسيا اياسىندا «بەردىبەك سوقپاقباەۆ – بالالار ادەبيەتىنىڭ اتاسى» اتتى كورمە اشىلىپ، ونىڭ نۇكتەلى-بەدەرلى قارىپتە باسىلىپ شىققان تۋىندىلارى تانىستىرىلدى. سونداي-اق، بەردىبەك سوقپاقباەۆتىڭ نۇكتەلى-بەدەرلى قارىپتە جانە اۋديو فورماتىندا جارىققا شىققان «بالالىق شاققا ساياسات» كىتابىنىڭ تۇساۋى كەسىلدى. سونىمەن قاتار قازاق زاعيپتار قوعامىنىڭ كوركەمونەرپازدار ۇجىمى مۇشەلەرى جانە كىتاپحانا وقىرماندارىنىڭ قاتىسۋىمەن بەردىبەك سوقپاقباەۆتىڭ «انا جۇرەگى» اڭگىمەسىنەن تەاترلاندىرىلعان قويىلىم كورسەتىلدى.
