رەسەي 16 جاسقا تولماعان قىزبەن جىنىستىق قاتىناسقا ءتۇستى دەگەن كۇدىكتىنى قازاقستانعا ەكستراديتسيالادى. بۇل تۋرالى بۇگىن، 23 قىركۇيەكتە باس پروكۋراتۋرانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
ەر ادام 2023 جىلعى قىركۇيەكتە شىمكەنت قالاسىنىڭ جالدامالى پاتەرلەرىنىڭ بىرىندە 14 جاسارمەن جىنىستىق قاتىناسقا تۇسكەن. قىلمىس جاسالعاننان كەيىن قاسكۇنەم جاسىرىنىپ، حالىقارالىق ىزدەۋ جاريالاندى. 2024 جىلدىڭ ءساۋىر ايىندا ول رەسەي فەدەراتسياسىنىڭ نوۆوسيبيرسك قالاسىندا ۇستالدى.
«قازاقستان باس پروكۋراتۋراسىنىڭ سۇراۋ سالۋى بويىنشا رەسەي تاراپى كۇدىكتىنى وتانىنا ەكستراديتسيالاۋ تۋرالى شەشىم قابىلدادى. قازىرگى ۋاقىتتا سوتتالۋشى تەرگەۋ يزولياتورىنا قامالدى»،—دەلىنگەن حابارلامادا.
ايتا كەتەيىك، اتالعان قىلمىس ءۇشىن بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءومىر بويىنا ايىرا وتىرىپ، بەس جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا قاراستىرىلعان.
