“Ford” basshylyǵy Qytaı avtozaýyttaryna saparynan keıin eldiń elektromobılderdi AQSh avtoóndirisi úshin «ekzıstenıaldy qaýip» dep sıpattady, dep habarlaıdy “Adyrna” ulttyq portaly.
Bul týraly The Wall Street Journal habarlady.
Ford-tyń qarjy dırektory Djon Loýler de kompanııa basshysy Farlıdiń pikirin qoldap, Qytaıdaǵy elektromobılderdiń damý deńgeıine tańdanǵanyn jasyrmady.
«Bul óndiristiń teńdesi joq. Djım, olar bizden ozyp ketti», — delingen aqparatta.
Ford basshylary qytaılyq óndirýshilerdiń tehnologııalyq jetistikterin jáne olardyń álemdik avtoónerkásipke tıgizip jatqan áserin atap ótti. Olar Qytaı avtokólikteriniń qazirgi ýaqytta eýropalyq jáne amerıkalyq óndirýshilerden ozyp ketkenin moıyndady.
Ford kompanııasy 2027 jylǵa deıin arzan elektromobıldi naryqqa shyǵarýdy josparlap otyr.
2023 jyldyń 27 qyrkúıeginen bastap AQSh Qytaıdan keletin elektromobılderge 100% kedendik baj salyǵyn engizdi. Sondaı-aq, Ford kompanııasy ishten janý qozǵaltqyshtarynan tolyqtaı bas tartý josparlaryn ýaqytsha toqtatyp, Eýropa men AQSh-ta elektromobılderge tolyq kóshýdi keıinge qaldyrdy.
2023 jyldyń tamyz aıynda baspasózde Ford kompanııasynyń úsh qatarly oryndyqtary bar elektrlik krossover men jańa elektrlik pıkapty ázirleý jobasyn toqtatqandyǵy týraly habarlandy.
