1920 جىلى 22 قىركۇيەكتە بۇكىلرەسەيلىك ورتالىق اتقارۋ كوميتەتى جاڭا جارلىق قابىلداپ، ورىنبور گۋبەرنياسىن قىرعىز (قازاق) اۆتونوميالىق سوتسياليستىك كەڭەس رەسپۋبليكاسىنا (اسسر) قوستى. وسى جارلىققا سايكەس، ورىنبور قالاسى قىرعىز اسسر-ءىنىڭ العاشقى استاناسى رەتىندە بەكىتىلدى، دەپ حابارلايدى "ادىرنا" ۇلتتىق پورتالى.
سول كەزەڭدە تۇركىستان رەسپۋبليكاسى قۇرامىنداعى قىرعىز (قازاق) جەرلەرىن قىرعىز (قازاق) اسسر-ىنە قوسۋ ماسەلەسى دە كوتەرىلگەن بولاتىن. جارلىقتا بۇل پروتسەسcتىڭ تۇركىستان رەسپۋبليكاسىنىڭ قۇرامىنداعى قىرعىز تەرريتورياسىنىڭ تۇرعىندارىنىڭ قالاۋىمەن جۇزەگە اسىرىلاتىنى كورسەتىلدى.
بۇل تاريحي وقيعا قازاق حالقىنىڭ اۆتونومياسىن قۇرۋداعى ماڭىزدى قادامداردىڭ ءبىرى بولىپ تابىلادى.
ال 1925 جىلى قىرعىز اسسر اتاۋى قازاق اسسر-ءى بولىپ وزگەرتىلدى، ال استانا قىزىلوردا قالاسىنا كوشىرىلگەن بولاتىن.
