سولتۇستىك قازاقستاندا ايەل ادام جاياۋ جۇرگىنشىنى قاعىپ كەتتى، دەپ حابارلايدى "ادىرنا" ءتىلشىسى.
شال اقىن اۋدانى سەرگەەۆكا قالاسىندا 30 جاستاعى ايەل ادام جۇرگىزۋشى كۋالىگىنسىز ءرولدى تىزگىندەگەن.
ول 66 جاستاعى زەينەتكەردى قاعىپ كەتكەن. زارداپ شەككەن ادام كوز جۇمدى.
"قازىرگى ۋاقىتتا قر قىلمىستىق كودەكسىنىڭ "ابايسىزدا ادام ولىمىنە اكەپ سوقتىرعان جول قوزعالىسى نەمەسە كولىك قۇرالدارىن پايدالانۋ ەرەجەلەرىن بۇزۋ" بابى بويىنشا سوتالدى تەرگەۋ باستالدى. تەرگەۋ جالعاسىپ جاتىر", - دەپ حابارلادى پوليتسيا.
بەيرەسمي مالىمەتتەر بويىنشا، جول-كولىك وقيعاسىن جاساعان ايەل جۇكتى بولعان.
