اقمولا وبلىسىندا وقۋشىلار ءۇشىن تاماقتانۋ ۇيىمداستىرىلۋى ءتيىس 524 مەملەكەتتىك جالپى ءبىلىم بەرەتىن مەكتەپ جۇمىس ىستەيدى. بۇگىنگى تاڭدا 491 مەكتەپتە ىستىق تاماق، 33 مەكتەپتە اسحانالاردىڭ جوقتىعىنان، سونداي-اق كونتينگەنت سانىنىڭ ازدىعىنان - بۋفەتتىك تاماق ۇيىمداستىرىلدى. ال ىستىق جانە بۋفەت جيىنتىعىندا وبلىس بويىنشا تاماقپەن قامتۋ 100% قۇرايدى.
2016 جىلدان باستاپ وبلىستا 45 مەكتەپ اسحاناسى ءمجا شەڭبەرىندە سەنىمگەرلىك باسقارۋعا بەرىلدى، ولاردىڭ نەگىزگى بولىگى وبلىس ورتالىعىنىڭ مەكتەپتەرىنە تيەسىلى. 97 مەكتەپتە ازىق-تۇلىك جەتكىزۋشىلەرى كونكۋرس بويىنشا انىقتالدى، 376 مەكتەپ شتاتتىق اسپازدارى بار تاماقتانۋدى ءوز بەتىنشە ۇيىمداستىرادى.
2024-2025 وقۋ جىلىندا مەكتەپتەردىڭ اس بلوكتارىنىڭ ىستىق تاماقتى ۇيىمداستىرۋ ساپاسىنا جانە سانيتارلىق - ەپيدەميولوگيالىق تالاپتاردىڭ ساقتالۋىنا مونيتورينگ جۇرگىزۋ ءۇشىن وبلىستىق ءبىلىم باسقارماسى، قر دسم سانيتارلىق-ەپيدەميولوگيالىق باقىلاۋ كوميتەتىنىڭ اقمولا وبلىسىنىڭ سانيتارلىق-ەپيدەميولوگيالىق باقىلاۋ دەپارتامەنتى جانە اقمولا وبلىسىنىڭ كاسىپكەرلەر پالاتاسى بىرلەسكەن بۇيرىق جاسادى.
«2024 جىلدىڭ 9 قىركۇيەگى مەن 20 قىركۇيەگى ارالىعىندا چەك پاراعىنا سايكەس حالىقتىڭ سانيتارلىق-ەپيدەميولوگيالىق سالاۋاتتىلىعىن قامتاماسىز ەتۋ جانە تاماقتان ۋلانۋدىڭ الدىن الۋ ماقساتىندا مەكتەپ اسحانالارىن تەكسەرۋ باستالدى. قازىرگى ۋاقىتتا ءبىلىم بولىمدەرىنىڭ اۋداندىق ۆەدومستۆوارالىق ساراپتامالىق توپتارى اۋداندىق سانيتارلىق-ەپيدەميولوگيالىق باقىلاۋ باسقارمالارىمەن بىرلەسىپ 44 مەكتەپتە مونيتورينگ جۇرگىزدى. سونداي - اق مەكتەپ اسحانالارىنا 154 مەكتەپ براكەراجدى كوميسسياسى تەكسەرۋ جۇرگىزدى»، - دەدى وڭىردەگى ءبىلىم باسقارماسىنىڭ مەكتەپكە دەيىنگى جانە جالپى ورتا ءبىلىم بەرۋ ءبولىمىنىڭ باس مامانى باقىتجان تۇتكاباەۆا.
