تۇركى حالىقتارىنا ورتاق قورقىت تۇلعاسىنا ارنالعان تاريحي دراما وزبەكستان، ءازىربايجان تەلەارنالارىنان دا كورسەتىلدى. الداعى ۋاقىتتا قىرعىز، تۇرىك تىلدەرىندەگى نۇسقاسى ەفيرگە شىعادى، دەپ حابارلايدى “ادىرنا” ۇلتتىق پورتالى.
«قازاقستان» تەلەراديوكورپوراتسياسى تۇسىرگەن ءتورت ءبولىمدى «قورقىت» تاريحي بيوگرافيالىق تەلەحيكاياسى Toronto International Film Festival حالىقارالىق كينوفەستيۆالىندە «ۇزدىك تەلەۆيزيالىق سەريال» اتالىمى بويىنشا ۇزدىك دەپ تانىلدى. سولتۇستىك امەريكاداعى ءىرى فەستيۆال 5-15 قىركۇيەك ارالىعىندا ءوتتى. بۇل - كينو سالاسىنداعى بەدەلدى بايقاۋلاردىڭ ءبىرى.
ايتا كەتەيىك، تاريحي دراما بۇعان دەيىن Montreal International Film Festival كينوفەستيۆالىنىڭ «ۇزدىك كوستيۋم» جانە «ۇزدىك گريم» نوميناتسياسىن جەڭىپ العان بولاتىن. تۋىندىنىڭ پروديۋسەرى – شولپان باتىرباەۆا، رەجيسسەرى – قاناعات مۇستافين.
