ورتالىق ازيا ەلدەرىنىڭ باسشىلارى استاناعا گەرمانيانىڭ فەدەرالدىق كانتسلەرى ولاف شولتسپەن كەزدەسۋگە كەلە باستادى، دەپ حابارلايدى “ادىرنا” ۇلتتىق پورتالى.
«قىرعىز رەسپۋبليكاسىنىڭ پرەزيدەنتى سادىر جاپاروۆ بۇگىن، 17 قىركۇيەكتە ورتالىق ازيا مەملەكەتتەرى باسشىلارىنىڭ جانە گەرمانيا فەدەرالدىق كانتسلەرىنىڭ ەكىنشى كەزدەسۋىنە قاتىسۋ ءۇشىن استاناعا جۇمىس ساپارىمەن باردى. مەملەكەت باسشىسىنىڭ ۇشاعى قازاقستان استاناسىنىڭ حالىقارالىق اۋەجايىنا قوندى. پرەزيدەنت سادىر جاپاروۆتى پرەمەر-ءمينيستردىڭ ورىنباسارى – قازاقستان رەسپۋبليكاسى ۇكىمەتى اپپاراتىنىڭ جەتەكشىسى عالىمجان قويشىباەۆ جانە باسقا دا رەسمي تۇلعالار قارسى الدى. حالىقارالىق اۋەجايدا قۇرمەتتى قاراۋىل جاساقتالدى»، - دەپ حابارلادى قىرعىزستان پرەزيدەنتىنىڭ ءباسپاسوز قىزمەتى.
ساپار بارىسىندا پرەزيدەنت سادىر جاپاروۆ ورتالىق ازيا ەلدەرى پرەزيدەنتتەرىنىڭ نەمىس كاسىپكەرلەرىمەن كەزدەسۋىنە دە قاتىسادى، نەمىس بيزنەس قاۋىمداستىعىمەن جەكە كەزدەسۋ وتكىزەدى، گەرمانيا فەدەرالدىق كانتسلەرى ولاف شولتسپەن ەكىجاقتى كەلىسسوزدەر جۇرگىزەدى.
«17 قىركۇيەكتە تاجىكستان رەسپۋبليكاسىنىڭ پرەزيدەنتى، ۇلت كوشباسشىسى، قۇرمەتتى ەمومالي راحمون «ورتالىق ازيا – گەرمانيا فەدەراتيۆتىك رەسپۋبليكاسى» مەملەكەت باسشىلارىنىڭ كەزدەسۋىنە قاتىسۋ ءۇشىن قازاقستان رەسپۋبليكاسىنىڭ استاناسىنا باردى. نۇرسۇلتان نازارباەۆ حالىقارالىق اۋەجايىندا تاجىكستان رەسپۋبليكاسىنىڭ پرەزيدەنتى، قۇرمەتتى ەمومالي راحموندى قازاقستان رەسپۋبليكاسىنىڭ پرەمەر-ءمينيسترى ولجاس بەكتەنوۆ جانە باسقا دا رەسمي تۇلعالار قۇشاق جايا قارسى الدى. جوعارى مارتەبەلى مەيماننىڭ قۇرمەتىنە اۋەجاي الاڭى مەملەكەتتىك تۋلارمەن بەزەندىرىلىپ، قۇرمەتتى قاراۋىل جاساقتالدى»، - دەپ حابارلادى تاجىكستان پرەزيدەنتىنىڭ ءباسپاسوز قىزمەتى.
