Ortalyq Azııa elderiniń basshylary Astanaǵa Germanııanyń Federaldyq kanleri Olaf Sholpen kezdesýge kele bastady, dep habarlaıdy “Adyrna” ulttyq portaly.
«Qyrǵyz Respýblıkasynyń Prezıdenti Sadyr Japarov búgin, 17 qyrkúıekte Ortalyq Azııa memleketteri basshylarynyń jáne Germanııa Federaldyq kanleriniń ekinshi kezdesýine qatysý úshin Astanaǵa jumys saparymen bardy. Memleket basshysynyń ushaǵy Qazaqstan astanasynyń halyqaralyq áýejaıyna qondy. Prezıdent Sadyr Japarovty Premer-Mınıstrdiń orynbasary – Qazaqstan Respýblıkasy Úkimeti Apparatynyń jetekshisi Ǵalymjan Qoıshybaev jáne basqa da resmı tulǵalar qarsy aldy. Halyqaralyq áýejaıda qurmetti qaraýyl jasaqtaldy», - dep habarlady Qyrǵyzstan prezıdentiniń baspasóz qyzmeti.
Sapar barysynda Prezıdent Sadyr Japarov Ortalyq Azııa elderi prezıdentteriniń nemis kásipkerlerimen kezdesýine de qatysady, nemis bıznes qaýymdastyǵymen jeke kezdesý ótkizedi, Germanııa Federaldyq kanleri Olaf Sholpen ekijaqty kelissózder júrgizedi.
«17 qyrkúıekte Tájikstan Respýblıkasynyń Prezıdenti, Ult kóshbasshysy, qurmetti Emomalı Rahmon «Ortalyq Azııa – Germanııa Federatıvtik Respýblıkasy» memleket basshylarynyń kezdesýine qatysý úshin Qazaqstan Respýblıkasynyń Astanasyna bardy. Nursultan Nazarbaev halyqaralyq áýejaıynda Tájikstan Respýblıkasynyń Prezıdenti, qurmetti Emomalı Rahmondy Qazaqstan Respýblıkasynyń Premer-Mınıstri Oljas Bektenov jáne basqa da resmı tulǵalar qushaq jaıa qarsy aldy. Joǵary mártebeli meımannyń qurmetine áýejaı alańy memlekettik týlarmen bezendirilip, qurmetti qaraýyl jasaqtaldy», - dep habarlady Tájikstan prezıdentiniń baspasóz qyzmeti.
