بۇگىن، 16 قىركۇيەكتە قارجىلىق مونيتورينگ اگەنتتىگى باسشىسى دميتري مالاحوۆ قىزمەتىنەن بوساتىلدى، دەپ حابارلايدى «ادىرنا» ءتىلشىسى.
مەملەكەت باسشىسىنىڭ جارلىعىمەن بۇل قىزمەتكە جانات ەليمانوۆ تاعايىندالدى. ول 2024 جىلعى اقپاننان باستاپ ۇلتتىق قاۋىپسىزدىك كوميتەتى توراعاسىنىڭ ءبىرىنشى ورىنباسارى قىزمەتىن اتقارعان ەدى.
جانات ەليمانوۆ 1978 جىلى قاراعاندى قالاسىندا دۇنيەگە كەلگەن. ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن تامامداعان.
ەڭبەك جولىن 2000 جىلى قاراعاندى قالاسى پروكۋراتۋراسىنىڭ سوت قاۋلىلارى جانە اتقارۋشىلىق ءىس جۇرگىزۋدى ورىنداۋداعى زاڭدىلىقتى قاداعالاۋ ءبولىمى پروكۋرورىنىڭ مىندەتىن اتقارۋشى بولىپ باستاعان.
2000 جىلدان 2007 جىلعا دەيىن قاراعاندى وبلىسىنىڭ جانە استانا قالاسىنىڭ پروكۋراتۋرا ورگاندارىندا ارتۇرلى لاۋازىمداردا قىزمەت اتقاردى.
2007 جىلدان 2017 جىل ارالىعىندا ادىلەت جانە قارجى مينيسترلىكتەرىنىڭ، ەكونوميكالىق جانە سىبايلاس جەمقورلىق قىلمىستارىمەن كۇرەس اگەنتتىگىنىڭ قۇرىلىمدارىندا ءتۇرلى قىزمەتتەردى اتقاردى.
2017 جىلدان 2019 جىل ارالىعىندا قر باس پروكۋراتۋراسىنىڭ قۇرىلىمدىق بولىمشەلەرىندە باسشىلىق لاۋازىمدا بولدى.
2019 جىلدىڭ اقپان ايىنان ءساۋىر ايى ارالىعىندا قاراعاندى وبلىسى پروكۋرورىنىڭ ورىنباسارى قىزمەتىن، ال 2019 جىلعى ساۋىردەن قارجى مونيتورينگى كوميتەتى توراعاسىنىڭ ورىنباسارى لاۋازىمىن اتقاردى.
