Búgin, 16 qyrkúıekte Qarjylyq monıtorıng agenttigi basshysy Dmıtrıı Malahov qyzmetinen bosatyldy, dep habarlaıdy «Adyrna» tilshisi.
Memleket basshysynyń jarlyǵymen bul qyzmetke Janat Elımanov taǵaıyndaldy. Ol 2024 jylǵy aqpannan bastap Ulttyq qaýipsizdik komıteti tóraǵasynyń birinshi orynbasary qyzmetin atqarǵan edi.
Janat Elımanov 1978 jyly Qaraǵandy qalasynda dúnıege kelgen. E. Bóketov atyndaǵy Qaraǵandy memlekettik ýnıversıtetin támamdaǵan.
Eńbek jolyn 2000 jyly Qaraǵandy qalasy prokýratýrasynyń sot qaýlylary jáne atqarýshylyq is júrgizýdi oryndaýdaǵy zańdylyqty qadaǵalaý bólimi prokýrorynyń mindetin atqarýshy bolyp bastaǵan.
2000 jyldan 2007 jylǵa deıin Qaraǵandy oblysynyń jáne Astana qalasynyń prokýratýra organdarynda ártúrli laýazymdarda qyzmet atqardy.
2007 jyldan 2017 jyl aralyǵynda ádilet jáne qarjy mınıstrlikteriniń, Ekonomıkalyq jáne sybaılas jemqorlyq qylmystarymen kúres agenttiginiń qurylymdarynda túrli qyzmetterdi atqardy.
2017 jyldan 2019 jyl aralyǵynda QR Bas prokýratýrasynyń qurylymdyq bólimshelerinde basshylyq laýazymda boldy.
2019 jyldyń aqpan aıynan sáýir aıy aralyǵynda Qaraǵandy oblysy prokýrorynyń orynbasary qyzmetin, al 2019 jylǵy sáýirden Qarjy monıtorıngi komıteti tóraǵasynyń orynbasary laýazymyn atqardy.
