قىرعىزستان كوك ءبورى فەدەراتسياسىنىڭ وكىلدەرى قازاقستان كوكپارشىلارىن قارىمتا ويىنعا شاقىردى، دەپ حابارلايدى «ادىرنا» ءتىلشىسى.
«1 قاراشادا سول باياعى قۇراممەن كوك ءبورى مەن كوكپار ويناۋدى ۇسىنامىز. بۇل سپورت بولعاندىقتان، ويىن ەكى حالىق اراسىندا الاۋىزدىق تۋدىرماۋى ءتيىس. ەكى ەلدىڭ تاتۋلىعى ءۇشىن ءبىز جەكە امبيتسيامىزدان باس تارتۋعا دايىنبىز. تورەشى باسقا ەلدەن بولادى»، - دەدى فەدەراتسياسى باسشىسى راميس جۇنىساليەۆ.
ەستەرىڭىزگە سالا كەتەيىك، استانادا وتكەن دۇنيەجۇزىلىك كوشپەندىلەر ويىندارىندا قازاقستان مەن قىرعىزستان قۇرامالارى اراسىنداعى كوكپار ويىنى داۋمەن اياقتالعان ەدى. قىرعىز كوكپارشىلارىنىڭ جەتەكشىسى ەرلان ابدىعاپپاروۆ جارىس قورىتىندىسىمەن كەلىسپەيتىنىن مالىمدەپ، قازاقستاننىڭ كۇشقۇرىلىمدارى تاراپىنان قىسىم كورگەنىن ايتتى. الايدا ۇقك بۇل مالىمدەمەنى جوققا شىعاردى.
