15 قىركۇيەكتە قۇلجا تراكتىسىنىڭ ءبىر بولىگى ۋاقىتشا جابىلدى. بۇل تۋرالى «قازاۆتوجول» ۇلتتىق كومپانياسىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«قازاۆتوجول» ۇك» اق 2024 جىلعى 15 قىركۇيەكتە ساعات 20:00-دەن باستاپ 16 قىركۇيەك ساعات 07:00-گە دەيىن «الماتى - كوكتال - شونجى - قورعاس» رەسپۋبليكالىق ماڭىزى بار اۆتوجولىنىڭ ورتاشا جوندەۋ جۇمىستارىنا بايلانىستى قۇلجا تراكتىسىنىڭ 14-16,5 شاقىرىم ارالىعىنداعى ۋچاسكەسىندە شەكتەۋ قويىلاتىنىن حابارلايدى. بۇل ۋچاسكەدە قوزعالىس 11 ساعات ىشىندە رەۆەرسيۆتى تۇردە ۇيىمداستىرىلادى. جۇمىستار جولدىڭ شىعىس جاعىندا جۇرگىزىلىپ، جول ءبىر جولاقتى قوزعالىسپەن قامتاماسىز ەتىلەدى. اتالمىش جەردە ارنايى ەسكەرتۋ بەلگىلەرى مەن مەردىگەر مەكەمەنىڭ بايلانىس نومىرلەرى كورسەتىلگەن اقپاراتتىق ستەند ورناتىلادى»، - دەلىنگەن حابارلامادا.
