15 qyrkúıekte Qulja traktisiniń bir bóligi ýaqytsha jabyldy. Bul týraly «QazAvtoJol» ulttyq kompanııasynyń baspasóz qyzmeti aıtty, dep habarlaıdy «Adyrna» tilshisi.
«QazAvtoJol» UK» AQ 2024 jylǵy 15 qyrkúıekte saǵat 20:00-den bastap 16 qyrkúıek saǵat 07:00-ge deıin «Almaty - Kóktal - Shonjy - Qorǵas» respýblıkalyq mańyzy bar avtojolynyń ortasha jóndeý jumystaryna baılanysty Qulja traktisiniń 14-16,5 shaqyrym aralyǵyndaǵy ýchaskesinde shekteý qoıylatynyn habarlaıdy. Bul ýchaskede qozǵalys 11 saǵat ishinde reversıvti túrde uıymdastyrylady. Jumystar joldyń shyǵys jaǵynda júrgizilip, jol bir jolaqty qozǵalyspen qamtamasyz etiledi. Atalmysh jerde arnaıy eskertý belgileri men merdiger mekemeniń baılanys nómirleri kórsetilgen aqparattyq stend ornatylady», - delingen habarlamada.
