تۇركيا جانە ورتالىق ازيا بويىنشا حالىقارالىق قارجى كورپوراتسياسىنىڭ (International Finance Corporation, IFC) وڭىرلىك ديرەكتورى ۆيبكە شلەمەردىڭ قازاقستانعا ساپارى اياسىندا الماتى قالاسىنىڭ اكىمدىگى مەن IFC اراسىندا ينۆەستيتسيالار تارتۋ ءۇشىن جوبالاردى باعالاۋدى جۇرگىزۋ تۋرالى مانداتتى كەلىسىم – حاتقا قول قويىلدى.
مانداتتىق حاتقا سايكەس IFC الماتى اكىمدىگىنىڭ «جاسىل» وبليگاتسيالارىن 200 ملن. اقش دوللارىنا دەيىن ساتىپ الۋعا قاتىسۋعا دايىن، بۇل قارجى LRT, BRT ءبىرىنشى جەلىسىن سالۋعا، 10 تروللەيبۋس قوسالقى ستانتسياسىن جاڭارتۋعا، 100 ەلەكتروبۋس جانە باسقا دا الەۋمەتتىك ماڭىزى بار جوبالاردى ىسكە اسىرۋعا جۇمسالادى.
«جاسىل» وبليگاتسيالاردى شىعارۋ IFC جوبالاردى باعالاننان كەيىن 2025 جىلعا جوسپارلانۋدا.
ايتا كەتەرلىگى، الماتى قالاسى «جاسىل» جوبالاردى قارجىلاندىرۋ ءۇشىن حالىقارالىق قارجى ۇيىمدارىنان ۇلتتىق ۆاليۋتادا سىرتقى قارىز الۋ قۇقىعى بەرىلگەن قازاقستانداعى جالعىز ءوڭىر بولىپ تابىلادى.
