قازاقستان پرەزيدەنتى قاسىم-جومارت توقاەۆ تۇركيانىڭ ۇلتتىق قورعانىس ءمينيسترى ياشار گيۋلەردى قابىلدادى، دەپ حابارلايدى “ادىرنا” ۇلتتىق پورتالى اقوردانىڭ ءباسپاسوز قىزمەتىنە سىلتەپ.
“ياشار گيۋلەر اتاجۇرتتا كورسەتىلگەن سىي-قۇرمەت ءۇشىن العىس ايتىپ، تۇركيانىڭ قازاقستانمەن ءوزارا سەنىم جانە قولداۋ رۋحىنداعى بايلانىستاردى ودان ءارى تەرەڭدەتۋگە نيەتتى ەكەنىن راستادى” دەلىنگەن حابارلامادا.
ول ەلىمىزدىڭ بىرقاتار وڭىرلىك جانە حالىقارالىق تۇيتكىلدى شەشۋگە باعىتتالعان كۇش-جىگەرىن جوعارى باعالادى.
سونىمەن قاتار اڭگىمەلەسۋ بارىسىندا ەكى ەلدىڭ قاۋىپسىزدىك سالاسىنداعى ىنتىماقتاستىق ماسەلەسى قاراستىرىلدى.
ۇقساس جاڭالىقتار
