الماتى پروكۋراتۋراسى مايىتتەردى زورلادى دەپ ايىپتالعان كۇدىكتى ەر ادامعا قاتىستى تەرگەۋ بارىسىنا تۇسىنىكتەمە بەردى، دەپ حابارلايدى "ادىرنا" ۇلتتىق پورتالى.
ءسايۋىر ايىندا الماتى قالاسىندا نەكروفيلياعا كۇدىكتى ازاماتتىڭ ۇستالعانى بەلگىلى بولدى. بىرنەشە كۇننەن كەيىن ادىلەت مينيسترلىگى جاعدايعا تۇسىنىكتەمە بەرىپ، كۇدىكتىنىڭ سوت ساراپتاما ورتالىعىمەن جانە ونىڭ اۋماقتىق بولىمشەلەرىمەن ەڭبەك قاتىناسى جوق ەكەنىن مالىمدەدى. ۆەدومستۆو وكىلى ءمايىتحانادا كۇزەتشىنىڭ 2022 جانە 2023 جىلدارى تەندەردى جەڭىپ العان جەكە كومپانيادا جۇمىس ىستەگەنىن ايتتى.
الماتى پروكۋراتۋراسى 24 ساۋىردە “مايىتتەردى قورلاۋ” فاكتىسى بويىنشا سوتقا دەيىنگى تەرگەۋ باستالعانىن حابارلادى. الايدا قازىر سوتقا دەيىنگى تەرگەپ-تەكسەرۋ مەرزىمىن ءۇزۋ تۋرالى قاۋلى شىعىپ، تەرگەۋ توقتادى.
قىلمىستىق-پروتسەستىك كودەكستىڭ 45-بابىنىڭ 7-بولىگىنىڭ 4-تارماعى بويىنشا كۇدىكتىنىڭ پسيحيكاسىندا اۋىتقۋ نەمەسە وزگە دە اۋىر سىرقاتى بار ەكەنى انىقتالسا، تەرگەۋ توقتايدى.
ەسكە سالساق، الماتىدا ءمايىتحانا كۇزەتشىسى مايىتتەردى زورلاپ، ونى ۆيدەوعا تۇسىرگەنى ايتىلعان ەدى. كۇدىكتىنىڭ بۇل ءىسى تۋرالى لومبارد قىزمەتكەرى تەلەفونىنداعى ۆيدەولاردان بايقاپ، پوليتسياعا حابار بەرگەن ەدى.
