اقتوبەدەگى مەكتەپتەردىڭ بىرىندە 7-سىنىپ وقۋشىسى جۇكتى بولىپ قالدى. پوليتسيا اقپاراتتى راستادى، - دەپ حابارلايدى "ادىرنا" ۇلتتىق پورتالى Aktobe Times باسىلىمىنا سىلتەمە جاساپ.
بۇعان دەيىن قالا جۇرتشىلىعىندا اقتوبەدەگى مەكتەپتەردىڭ بىرىندە 7-سىنىپ وقۋشىسىنىڭ زورلانعانى تۋرالى اقپارات تاراعان بولاتىن.
اقتوبە وبلىستىق پوليتسيا دەپارتامەنتىنىڭ ءباسپاسوز قىزمەتى قىزدىڭ جۇكتى بولىپ قالعانىن راستادى. الايدا پوليتسەيلەر قىزدىڭ زورلانباعانىن العا تارتادى. پوليتسەيلەر وقۋشى قىزدىڭ سەرىكتەسىنىڭ جاسىن جاريالامادى.
«زورلاۋ فاكتىسى راستالعان جوق. قىز جۇكتى بولدى، قالعانىن ايتا المايمىن»، - دەدى پد ءباسپاسوز قىزمەتىنىڭ باسشىسى ەربولات سارقۇلوۆ.
ەسكە سالا كەتەيىك، ماۋسىم ايىندا پاۆلودار وبلىسىندا 12 جاستاعى وقۋشى قىز بوسانعان بولاتىن. كامەلەتكە تولماعان بالانىڭ جۇكتىلىگىن ءبىرىنشى بولىپ مۇعالىمدەر بايقاعان. وسى وقيعادان كەيىن ايماقتا تەرگەۋ جۇمىستارى باستالدى. مەكتەپ ديرەكتورى ارىز جازىپ، ءوز ەركىمەن جۇمىستان شىعىپ، اۋداندىق ءبىلىم ءبولىمىنىڭ باسشىسىنا قاتاڭ سوگىس جاريالاندى.
بەلگىلى بولعانداي، پاۆلودارلىق مەكتەپ وقۋشىسى زورلانعان سوڭ جۇكتى بولىپ قالعان. بالالار ومبۋدسمەنى دينارا زاكيەۆانىڭ ايتۋىنشا، كامەلەت جاسقا تولماعان بالاعا زورلىق-زومبىلىق كورسەتۋ فاكتىسى بويىنشا تەرگەۋ ءجۇرىپ جاتىر.
