Aqtóbedegi mektepterdiń birinde 7-synyp oqýshysy júkti bolyp qaldy. Polıııa aqparatty rastady, - dep habarlaıdy "Adyrna" ulttyq portaly Aktobe Times basylymyna silteme jasap.
Buǵan deıin qala jurtshylyǵynda Aqtóbedegi mektepterdiń birinde 7-synyp oqýshysynyń zorlanǵany týraly aqparat taraǵan bolatyn.
Aqtóbe oblystyq polıııa departamentiniń baspasóz qyzmeti qyzdyń júkti bolyp qalǵanyn rastady. Alaıda polıeıler qyzdyń zorlanbaǵanyn alǵa tartady. Polıeıler oqýshy qyzdyń seriktesiniń jasyn jarııalamady.
«Zorlaý faktisi rastalǵan joq. Qyz júkti boldy, qalǵanyn aıta almaımyn», - dedi PD baspasóz qyzmetiniń basshysy Erbolat Sarqulov.
Eske sala keteıik, maýsym aıynda Pavlodar oblysynda 12 jastaǵy oqýshy qyz bosanǵan bolatyn. Kámeletke tolmaǵan balanyń júktiligin birinshi bolyp muǵalimder baıqaǵan. Osy oqıǵadan keıin aımaqta tergeý jumystary bastaldy. Mektep dırektory aryz jazyp, óz erkimen jumystan shyǵyp, aýdandyq bilim bóliminiń basshysyna qatań sógis jarııalandy.
Belgili bolǵandaı, pavlodarlyq mektep oqýshysy zorlanǵan soń júkti bolyp qalǵan. Balalar ombýdsmeni Dınara Zákıevanyń aıtýynsha, kámelet jasqa tolmaǵan balaǵa zorlyq-zombylyq kórsetý faktisi boıynsha tergeý júrip jatyr.
