جەتىسۋ وبلىسىندا ءۇش جاسار بالا ءتورت كۇننەن بەرى ىزدەستىرىلۋدە, - دەپ حابارلايدى “ادىرنا” ۇلتتىق پورتالى Almaty.tv سايتىنا سىلتەمە جاساپ.
كىشكەنتاي الديار 7 قىركۇيەك كۇنى كوكسۋ اۋىلىندا ءوز ءۇيىنىڭ اۋلاسىندا ويناپ ءجۇرىپ جوعالىپ كەتكەن. اناسىنىڭ ايتۋىنشا، ول بىرنەشە مينۋتقا عانا قاسىنان كەتىپ قالعان، قايتىپ كەلگەندە بالا ويناپ جۇرگەن جەرىندە جوق.
ءسابيدى ىزدەۋگە پوليتسيا قىزمەتكەرلەرى، توتەنشە جاعدايلار مينيسترلىگى مەن جەرگىلىكتى تۇرعىندار جۇمىلدىرىلدى. سونىمەن قاتار، ىزدەۋ جۇمىستارىنا قاتىسۋ ءۇشىن وبلىستىڭ بارلىق اۋداندارىنان ەرىكتىلەر قوسىلۋدا.
جوعالعان كۇنى الديار اق جەمپىر مەن قارا شالبار كيگەن. بالانىڭ بويى 60-65 سانتيمەتر. شاشى اشىق قوڭىر. بالانىڭ دەنساۋلىعىندا كىنارات بار.
«ىزدەستىرۋ جۇمىستارىنا 400-گە جۋىق ادام قاتىسۋدا، پوليتسيا بولىمىنەن 80 ادام، ۇلتتىق ۇلاننىڭ اسكەري بولىمىنەن 100 ادام، توتەنشە جاعدايلار دەپارتامەنتىنەن 15 ادام جانە جەرگىلىكتى اتقارۋشى ورگانداردان 15 ادام، ەرىكتىلەر كەلىپ جاتىر»، - دەدى پد جەرگىلىكتى پوليتسيا قىزمەتىنىڭ باسشىسى قايسار مۇحمەتوۆ.
ءۇش جاسار الدياردىڭ قايدا ەكەنى تۋرالى اقپارات بىلگەندەر بولسا، 102 نەمەسە 8 747 271 2124 نومىرىنە حابارلاسساڭىزدار بولادى.
