جەتىسۋ وبلىسىندا مەملەكەت باسشىسى باستاماشىلىق ەتكەن «تازا قازاقستان» رەسپۋبليكالىق ەكولوگيالىق باعدارلاماسى مەن «زاڭ مەن ءتارتىپ» قاعيداتىن ىسكە اسىرۋ ماقساتىندا رەيدتىك-پروفيلاكتيكالىق ءىس-شارالار تۇراقتى تۇردە جۇرگىزىلۋدە.
وبلىس اكىمى ورىنباسارىنىڭ جەتەكشىلىگىمەن 2026 جىلعى 17 ماۋسىمنان باستاپ وبلىستىق، اۋداندىق جانە قالالىق ۆەدومستۆوارالىق ءموبيلدى توپ جۇمىس ىستەۋدە. ونىڭ قۇرامىنا پروكۋراتۋرا، پوليتسيا، ەكولوگيا، توتەنشە جاعدايلار، سانيتاريالىق-ەپيدەميولوگيالىق باقىلاۋ دەپارتامەنتى، كولىكتىك باقىلاۋ ينسپەكتسياسى، وبلىستىق باسقارمالار، جاستار جانە ۆولونتەرلىك ۇيىمدار، سونداي-اق بۇقارالىق اقپارات قۇرالدارىنىڭ وكىلدەرى ەنگىزىلگەن.
بۇگىنگى كۇنگە دەيىن وبلىس اۋماعىندا 139 رەيدتىك ءىس-شارا وتكىزىلىپ، 89 قۇقىق بۇزۋشىلىق انىقتالدى. رەيدتەردىڭ قورىتىندىسى بويىنشا بۇقارالىق اقپارات قۇرالدارىندا 156 جاريالانىم جارىق كوردى.
27–28 شىلدە كۇندەرى تالدىقورعان قالاسى مەن ەسكەلدى اۋدانىندا ءموبيلدى توپتاردىڭ قاتىسۋىمەن كەزەكتى رەيدتەر ۇيىمداستىرىلىپ، انىقتالعان قۇقىق بۇزۋشىلىقتار بويىنشا زاڭناما تالاپتارىنا سايكەس ءتيىستى اكىمشىلىك شارالار قابىلداندى.
27 شىلدەدە تالدىقورعان قالاسىندا قاراتال جانە بالىقتى وزەندەرىنىڭ بويىندا «شومىلۋعا تىيىم سالىنادى» بەلگىلەرى ورناتىلعان اۋماقتاردا قالا اكىمىنىڭ ورىنباسارى قۋانىش سەيتىمبەتوۆتىڭ جەتەكشىلىگىمەن پروفيلاكتيكالىق رەيد وتكىزىلدى. ناتيجەسىندە تىيىم سالىنعان جەردە سۋعا شومىلعان 2 قۇقىق بۇزۋشىلىق فاكتىسى انىقتالىپ، قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 412-بابى بويىنشا ەكى ازاماتقا ارقايسىسىنا 3,5 اەك مولشەرىندە اكىمشىلىك ايىپپۇل سالىندى. جالپى ايىپپۇل سوماسى 55 062 تەڭگەنى (7 اەك) قۇرادى.
رەيد بارىسىندا دەمالۋشىلارعا سۋداعى قاۋىپسىزدىك تالاپتارى ءتۇسىندىرىلىپ، بەلگىلەنگەن ەرەجەلەردى ساقتاۋدىڭ ماڭىزدىلىعى جونىندە پروفيلاكتيكالىق جۇمىستار جۇرگىزىلدى.
28 شىلدەدە تالدىقورعان قالاسىندا جۇرگىزىلگەن رەيد كەزىندە قاراتال وزەنىنىڭ جاعالاۋىنداعى ورتاق پايدالانىلاتىن اۋماققا اۋىر جۇك كولىگىمەن تۇرمىستىق قاتتى قالدىقتاردى زاڭسىز توگۋ دەرەگى انىقتالدى. قۇقىق بۇزۋشىعا قاتىستى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە جانە اباتتاندىرۋ قاعيدالارىنا سايكەس ءتيىستى اكىمشىلىك شارالار قابىلداندى.
سول كۇنى قالانىڭ سانيتاريالىق جاعدايىنا جۇرگىزىلگەن مونيتورينگ بارىسىندا 6 قۇقىق بۇزۋشىلىق انىقتالدى. ونىڭ ىشىندە قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 505-بابى بويىنشا 3 ازاماتقا اكىمشىلىك ايىپپۇل سالىنىپ، 3 ازاماتقا ەسكەرتۋ بەرىلدى.
ەسكەلدى اۋدانىندا اكىم ورىنباسارى جانار بايۇزاقوۆا جەتەكشىلىگىمەن وتكىزىلگەن رەيد قورىتىندىسى بويىنشا 6 اكىمشىلىك حاتتاما راسىمدەلدى. ونىڭ ىشىندە 5 ازاماتقا ەسكەرتۋ جاسالىپ، 1 قۇقىق بۇزۋشىعا اكىمشىلىك قۇقىق بۇزۋشىلىق تۋرالى كودەكستىڭ 505-بابىنىڭ 1-بولىگىنە سايكەس 20 اەك (86 500 تەڭگە) مولشەرىندە اكىمشىلىك ايىپپۇل سالىندى.
مۇنداي رەيدتىك-پروفيلاكتيكالىق ءىس-شارالار قوعامدىق ءتارتىپتى نىعايتۋعا، قورشاعان ورتانى قورعاۋعا، تۇرعىنداردىڭ ەكولوگيالىق مادەنيەتىن ارتتىرۋعا جانە ازاماتتاردىڭ قاۋىپسىز ءارى جايلى ورتادا ءومىر سۇرۋىنە جاعداي جاساۋ ماقساتىندا تۇراقتى تۇردە جالعاساتىن بولادى.
