تالدىقورعان قالاسىنداعى نازارباەۆ زياتكەرلىك مەكتەبىنىڭ اعىلشىن ءتىلى مۇعالىمدەرى اسەل مەڭلىباەۆا مەن اينۇر رىسباەۆا جىل سايىن الەمنىڭ تۇكپىر-تۇكپىرىنەن ءبىلىم بەرۋ سالاسىندا مىڭداعان زەرتتەۋشىلەردى جينايتىن ECER 2024 حالىقارالىق كونفەرەنتسياسىنا قاتىستى.
بيىل ەCER كونفەرەنتسياسى كيپردە ءوتتى. نيكوسياعا ءوز ەلدەرىنىڭ تاجىريبەسىن ۇسىنۋ ءۇشىن 70 ەلدەن 2000-نان استام قاتىسۋشى كەلدى.
زياتكەرلىك مەكتەپ مۇعالىمى اينۇر رىسباەۆا «نازارباەۆ زياتكەرلىك مەكتەبى مۇعالىمدەرىنىڭ ساباقتارعا ءوزارا قاتىسۋداعى كوزقاراستارى مەن تاجىريبەسى جانە وسى پروتسەستىڭ ولاردىڭ كاسىبي دامۋىنا اسەرى» اتتى بايانداما جاسادى.
بۇل زەرتتەۋدە مەن بىرنەشە جىل جۇمىس ىستەدىم. كاسىبي وسۋگە، قولداۋعا جانە جاڭا ستراتەگيالاردى ۇيرەنۋدىڭ پايداسىنا باعىتتالعان مەكتەپ مادەنيەتىنىڭ ارقاسىندا مۇعالىمدەر ءوزارا قارىم-قاتىناسقا وڭ كوزقاراسپەن قارادى. بۇل ءادىس ساباقتىڭ وزىندىك تالداۋىن دايىنداۋ مىندەتىن شەشۋگە، ءوز قىزمەتىن زەرتتەۋ، ءوز ەڭبەگىنىڭ تيىمدىلىگىن انىقتاۋ، ءبىلىم بەرۋ پروتسەسىن قايتا قۇرۋ جانە جاقسارتۋ ءۇشىن موتيۆتەر، قاجەتتىلىكتەر مەن مۇمكىندىكتەر جاساۋ قابىلەتىن دامىتۋعا كومەكتەستى، - دەيدى اينۇر رىسباەۆا.
زياتكەرلىك مەكتەپتىڭ اعىلشىن ءتىلى مۇعالىمى اسەل مەڭلىبەكوۆا دا ينكليۋزيۆتى ءبىلىم بەرۋدى جۇزەگە اسىرۋداعى كوشباسشىلىق تاجىريبەلەر مەن ستراتەگيالار تۋرالى ءوز زەرتتەۋىن ۇسىندى. سونىمەن قاتار ول EERA ستيپەندياسىنىڭ يەگەرى اتاندى.
ECER 2024 كونفەرەنتسياسىنا قاتىسۋ – ول قىزىقتىراتىن تاقىرىپتى جاڭا، تەرەڭىرەك دەڭگەيدە زەرتتەۋ مۇمكىندىگى. كاسىبي تاجىريبەمەن بولىسۋگە دايىن قىزىقتى ادامدارمەن سويلەسۋ. وقىتۋشىلارمەن جەكە بايلانىس ورناتۋ مۇمكىندىگى. مەكتەپتەگى ءبىلىم بەرۋدى جاقسارتۋ، ونى حالىقارالىق ءبىلىم بەرۋ ستاندارتتارىنا سايكەستەندىرۋ جانە ونى باسەكەگە قابىلەتتى ءارى تارتىمدى ەتۋ ءۇشىن وسىنداي كونفەرەنتسيالارعا قاتىسۋ قاجەت، - دەدى اسەل مەڭلىباەۆا.
ECER (European Conference on Educational Research) — ەۋروپالىق ءبىلىم بەرۋدى زەرتتەۋ قاۋىمداستىعى (EERA) ۇيىمداستىراتىن جىل سايىنعى حالىقارالىق كونفەرەنتسيا. ECER-بۇل ءارتۇرلى ەلدەردىڭ عالىمدارى، زەرتتەۋشىلەرى مەن پراكتيكتەرى ءۇشىن ينكليۋزيا، وقىتۋدىڭ يننوۆاتسيالىق ادىستەرى، ءبىلىم بەرۋدى تسيفرلاندىرۋ، ءبىلىم بەرۋ ساياساتى، پەداگوگيكالىق تاسىلدەر جانە ت.ب. سياقتى بىلىمگە قاتىستى تاقىرىپتاردىڭ كەڭ اۋقىمىن تالقىلايتىن الاڭ.
