اقتاۋدا قازا تاپقان ساربازدىڭ اكەسى قورعانىس مينيسترلىگىنە جۇگىنىپ، وقيعانى بەي-جاي قالدىرماۋدى ءوتىندى، دەپ حابارلايدى "ادىرنا" ۇلتتىق پورتالى.
ماڭعىستاۋ وبلىسىندا جارالانعان ساربازدىڭ اكەسى قورعانىس ءمينيسترىنىڭ اتىنا ۆيدەووتىنىش جولدادى.
«جالعىز ۇلىم اسكەرگە تىرىدەي بارىپ، تابىتپەن قايتتى.
اقتاۋ قالاسىنىڭ اسكەري وكرۋگىنە بارا جاتىرمىن. ۇلىمدى تاپانشامەن بەتىنەن اتىپ تاستاعان. بۇل وقىس وقيعا دەيدى. وفيتسەر قارۋمەن ويناپ وتىرىپ، ول اياقاستىنان اتىلىپ كەتكەن دەيدى.
مەن قورعانىس مينيسترىنەن بۇل ءىستىڭ جازاتايىم وقيعا رەتىندە قاراستىرىلماۋىن سۇرايمىن. بۇل جازاتايىم وقيعا ەمەس: تاپانشادان اتۋ ءۇشىن پاترونىن سالىپ، ساقتاندىرعىشتان الىپ تاستاپ، شۇرىپپەنى باسۋ كەرەك. بۇل وينايتىن ويىنشىق ەمەس. قازىر ونى قاماۋعا الدى دەيدى. ءىستى توقتاتقىسى كەلۋى مۇمكىن. مەن ءبارىن مۇقيات زەرتتەگىم كەلەدى»، - دەدى ساربازدىڭ اكەسى.
ەر ادام تەرگەۋ كوميتەتىنە بارىپ، ارى قاراي ۇلىنىڭ دەنەسىن ەكسپەرتيزادان وتكىزبەك.
ەسكە سالا كەتەيىك، اسكەرگە ءوز اياعىمەن كەتكەن سارباز اي-كۇننىڭ امانىندا وق ءتيىپ، كوز جۇمعان.
