استانادا جاڭا وقۋ جىلى قارساڭىندا وقۋشى قىزدارعا پاپيللوما ۆيرۋسىنا قارسى ەكپە سالۋ ناۋقانى باستالادى، دەپ حابارلايدى “ادىرنا” ۇلتتىق پورتالى.
بۇل تۋرالى استانا قالاسىنىڭ سەبد باسشىسىنىڭ ورىنباسارى جاننا پراليەۆا مالىمدەدى.
دۇنيەجۇزىلىك دەنساۋلىق ساقتاۋ ۇيىمىنىڭ دەرەكتەرى بويىنشا، قازاقستاندا كۇن سايىن جاتىر موينى وبىرىنا قاتىستى 5-تەن استام جاعداي تىركەلەدى ەكەن. سونداي-اق، ورتاشا ەسەپپەن كۇن سايىن ەكى ايەل قاتەرلى ىسىكتەن قايتىس بولادى. جاتىر موينى وبىرى گينەكولوگيالىق پاتولوگيادا ءسۇت بەزى قاتەرلى ىسىگىنەن كەيىن ەكىنشى ورىندا تۇر دەگەن دەرەك بار.
ال 90-95% جاعدايدا جاتىر موينى وبىرىنىڭ دامۋ سەبەبى ونكوگەندىك تيپتەگى ادام پاپيللوماۆيرۋسى – 16 جانە 18-ءىنشى تۇرلەرى ەكەنى دالەلدەنگەن. سول سەبەپتى اق حالاتتىلار قازاقستاندا ايەلدەردىڭ جاتىر موينى وبىرىن تىركەۋ جاعدايلارىن قىسقارتۋعا مۇمكىندىك بەرەتىن اپۆ-گە قارسى ۆاكتسيناتسيا رەتىندە الدىن الۋ شارالارىن قابىلداۋ ماڭىزدى ەكەنىن ايتىپ وتىر.
سول سەبەپتى مەكتەپتە وقيتىن قىزدارعا اۋرۋعا قارسى ەكپە ەگۋ ناۋقانى باستالاتىنى حابارلاندى.
