Astanada jańa oqý jyly qarsańynda oqýshy qyzdarǵa papılloma vırýsyna qarsy ekpe salý naýqany bastalady, dep habarlaıdy “Adyrna” ulttyq portaly.
Bul týraly Astana qalasynyń SEBD basshysynyń orynbasary Janna Pralıeva málimdedi.
Dúnıejúzilik densaýlyq saqtaý uıymynyń derekteri boıynsha, Qazaqstanda kún saıyn jatyr moıny obyryna qatysty 5-ten astam jaǵdaı tirkeledi eken. Sondaı-aq, ortasha eseppen kún saıyn eki áıel qaterli isikten qaıtys bolady. Jatyr moıny obyry gınekologııalyq patologııada sút bezi qaterli isiginen keıin ekinshi orynda tur degen derek bar.
Al 90-95% jaǵdaıda jatyr moıny obyrynyń damý sebebi onkogendik tıptegi adam papıllomavırýsy – 16 jáne 18-inshi túrleri ekeni dáleldengen. Sol sebepti aq halattylar Qazaqstanda áıelderdiń jatyr moıny obyryn tirkeý jaǵdaılaryn qysqartýǵa múmkindik beretin APV-ge qarsy vakınaııa retinde aldyn alý sharalaryn qabyldaý mańyzdy ekenin aıtyp otyr.
Sol sebepti mektepte oqıtyn qyzdarǵa aýrýǵa qarsy ekpe egý naýqany bastalatyny habarlandy.
