استانادا «بولاشاق ويىندارى» حالىقارالىق مۋلتيسپورت ءتۋرنيرى اياسىندا ءوتىپ جاتقان Phygital Sports Summit Astana 2026 فورۋمى باستالدى. ءىس-شارانىڭ اشىلۋىندا قر تۋريزم جانە سپورت ءمينيسترى ەربول مىرزابوسىنوۆ ءسوز سويلەپ، فيدجيتال سپورتتىڭ جاھاندىق سپورت يندۋسترياسىنداعى ورنى مەن ونى دامىتۋداعى حالىقارالىق ىنتىماقتاستىقتىڭ ماڭىزىن اتاپ ءوتتى.
سامميتكە بىرىككەن اراب امىرلىكتەرىنىڭ سپورت ءمينيسترى احمەد بەلحۋل ءال فالاسي، رەسەي فەدەراتسياسىنىڭ سپورت ءمينيسترى ميحايل دەگتيارەۆ، وزبەكستان رەسپۋبليكاسىنىڭ سپورت ءمينيسترى ادحام يكراموۆ، ازەربايجان رەسپۋبليكاسىنىڭ جاستار جانە سپورت ءمينيسترى فاريد گايبوۆ، بەلارۋس رەسپۋبليكاسىنىڭ سپورت ءمينيسترى سەرگەي كوۆالچۋك، سونداي-اق حالىقارالىق سپورت ۇيىمدارىنىڭ وكىلدەرى، تەحنولوگيالىق كومپانيالار مەن ءتۇرلى ەلدەردىڭ ساراپشىلارى قاتىسىپ جاتىر.
سامميت باعدارلاماسى اياسىندا فيدجيتال سپورتتى دامىتۋ، حالىقارالىق سەرىكتەستىكتى نىعايتۋ، تسيفرلىق تەحنولوگيالار، يننوۆاتسيالار جانە سپورت يندۋسترياسىنىڭ بولاشاعىنا ارنالعان پانەلدىك سەسسيالار وتەدى.
ۇيىمداستىرۋشىلاردىڭ ايتۋىنشا، Phygital Sports Summit Astana 2026 تاجىريبە الماسۋعا، وزەكتى ماسەلەلەردى تالقىلاۋعا جانە فيدجيتال قوزعالىسىن ودان ءارى دامىتۋعا باعىتتالعان جاڭا باستامالاردى قالىپتاستىرۋعا مۇمكىندىك بەرەتىن ماڭىزدى حالىقارالىق الاڭعا اينالماق.
