استانادا رەسەي تۋىنىڭ ءتۇسى ۋكراينا تۋىنىڭ تۇسىنە وزگەرگەنىن «كابەلدىڭ تۇيىقتالۋى» ارقىلى ءتۇسىندىرىلدى، دەپ حابارلايدى "ادىرنا" ۇلتتىق پورتالى كازتاگ-قا سىلتەمە جاساپ.
«16:30-دا "كەرۋەن مەديا" LED ەكرانىندا رەسەي تۋىنىڭ جوعارعى سەگمەنتىندەگى كابەل تۇيىقتالىپ، اق ءتۇس ءوشىپ قالدى. سونىڭ ناتيجەسىندە ەلەكتر جۇكتەمەسىندە ءتۇس تونالدىعى وزگەرىپ، ءتۇسى جارقىراپ كەتتى. وسىلايشا، ۇيالى تەلەفونمەن تۇسىرىلگەن بەينەجازبادا، كورنەكى بايلانىس كەزىندە قىزىل ءتۇس سارى بولىپ كورىندى»، — دەپ مالىمدەدى «كەرۋەن مەديا» تەحنيكالىق ءبولىمىنىڭ ديرەكتورىنىڭ ورىنباسارى مۇحتار بەكبوسىنوۆ.
بۇعان دەيىن الەۋمەتتىك جەلىلەردە «استانا وپەرا» تەاترىندا ورنالاسقان ديسپلەيدەگى ۆيدەودا تۋ، ۋكراينا تۋىنىڭ ءداستۇرلى سارى-كوك تۇسىندە بولعانى تۋرالى ۆيدەو تاراعان بولاتىن. سونداي-اق، ۆيدەودا ەكراندى حاكەرلەردىڭ بۇزعانى تۋرالى ايتىلعان.
