«ىلە الاتاۋىنىڭ تيان-شان جوتاسىنىڭ سولتۇستىك بەتكەيىندە ورنالاسقان «نۇرسۇلتان» شىڭىنىڭ اتاۋى وزگەرمەيدى. بۇل تۋرالى 29 تامىزدا «ۆلاست» جازدى، دەپ حابارلايدى «ادىرنا» ءتىلشىسى.
الماتى وبلىسىنىڭ تىلدەردى دامىتۋ جونىندەگى باسقارماسىنىڭ مالىمەتىنشە، شىڭ اتاۋىن وزگەرتۋ تۋرالى ەشقانداي ۇسىنىس تۇسپەگەن. بۇعان دەيىن الەۋمەتتىك جەلىدە «نۇرسۇلتان» شىڭى «الماتى» شىڭى دەپ وزگەرتىلەدى دەگەن اقپارات تاراعان ەدى.
ايتا كەتەيىك، الپينيستەر ۇنەمى شىعىپ تۇراتىن شىڭنىڭ بۇرىن دا اتاۋلارى كوپ بولعان. ولاردىڭ ءبىرىنشىسى — «كىشى الماتى شىڭى». ودان كەيىن بۇل بيىك "كومسومول شىڭى" اتالدى. 1997 جىلدان باستاپ ىلە الاتاۋىنداعى شىڭعا قازاقستاننىڭ تۇڭعىش پرەزيدەنتىنىڭ ەسىمى بەرىلگەنى ايتىلادى.
