«Ile Alataýynyń Tıan-Shan jotasynyń soltústik betkeıinde ornalasqan «Nursultan» shyńynyń ataýy ózgermeıdi. Bul týraly 29 tamyzda «Vlast» jazdy, dep habarlaıdy «Adyrna» tilshisi.
Almaty oblysynyń Tilderdi damytý jónindegi basqarmasynyń málimetinshe, shyń ataýyn ózgertý týraly eshqandaı usynys túspegen. Buǵan deıin áleýmettik jelide «Nursultan» shyńy «Almaty» shyńy dep ózgertiledi degen aqparat taraǵan edi.
Aıta keteıik, alpınıster únemi shyǵyp turatyn shyńnyń buryn da ataýlary kóp bolǵan. Olardyń birinshisi — «Kishi Almaty shyńy». Odan keıin bul bıik "Komsomol shyńy" ataldy. 1997 jyldan bastap Ile Alataýyndaǵy shyńǵa Qazaqstannyń tuńǵysh prezıdentiniń esimi berilgeni aıtylady.
