اۋعانستان ۇكىمەتى ارالاس جەكپە-جەككە (مما) تىيىم سالدى. ەل بيلىگى بۇل سپورت ءتۇرىنىڭ يسلام قاعيدالارىنا سايكەس كەلمەيتىندىگىن العا تارتىپ وتىر، دەپ حابارلايدى «ادىرنا» ءتىلشىسى TRT-عا سىلتەمە جاساپ.
مما-عا تىيىم سالۋ تۋرالى ءتيىستى بۇيرىقتى ىزگىلىكتى ناسيحاتتاۋ جانە جاماندىقتىڭ الدىن الۋ مينيسترلىگىنىڭ مورالدىق پوليتسياسى دايىندادى.
«بۇل سپورت ءتۇرىنىڭ يسلام ىلىمدەرىنە قايشى كەلەتىن كوپتەگەن اسپەكتىسى بار ەكەندىگى انىقتالدى. سوندىقتان اۋعانستاندا ارالاس جەكپە-جەك ونەرىنە تىيىم سالۋ تۋرالى شەشىم قابىلداندى»،—دەلىنگەن حابارلامادا.
بيلىك باسىنداعى تالىپتەر قوزعالىسى ارالاس جەكپە-جەك سپورتشىنىڭ اۋىر جاراقاتىنا، كەيدە ءتىپتى ولىمىنە اكەپ سوقتىراتىن تىم قاتىگەز سپورت ءتۇرى ەكەنىن مالىمدەدى.
