جاڭا وقۋ جىلىنا دايىندىقتىڭ ماڭىزدى كەزەڭدەرىنىڭ ءبىرى ءبىلىم بەرۋ ۇيىمدارىنا كۇردەلى جانە اعىمداعى جوندەۋ جۇمىستارىن جۇرگىزۋ بولىپ تابىلاتىنى بەلگىلى. جوندەۋ جۇمىستارىن وتكىزگەننەن كەيىن مەكتەپ عيماراتتارى تۇبەگەيلى وزگەرەتىنى جاسىرىن ەمەس.
مىسالى، وتكەن جىلى ارشالى اۋدانىنداعى انار ستانتسياسىنىڭ مەكتەبى 85 جىل بويى كورمەگەن جاڭارۋدان كەيىن تۇرعىنداردىڭ قۋانىشىنا اينالدى.
كۇردەلى جوندەۋدەن كەيىن ءبىلىم بەرۋ ۇيىمدارى جاڭا كابينەتتەر، شەبەرحانالار عانا جابدىقتالماي، سونىمەن قاتار سپورت الاڭدارى مەن ىڭعايلى تۇراعى بار اباتتاندىرىلعان اۋماققا يە بولادى.
«مەكتەپتەردەن باسقا جوندەۋ جوسپارىنا 3 بالاباقشا، دارىندى بالالارعا ارنالعان مەكتەپتەگى 1 ينتەرنات عيماراتى، 2 ارنايى ءبىلىم بەرۋ ۇيىمى جانە بالالارعا ارنالعان 2 ساۋىقتىرۋ ورتالىعى كىردى. سونىمەن قاتار، بيىلعى جىلى نەگىزىنەن اۋىلدىق جەرلەردە ورنالاسقان نىسانداردا كۇردەلى جوندەۋ جۇمىستارى جۇرگىزىلەدى»، - دەپ ءبولىستى وبلىستىق ءبىلىم باسقارماسى باسشىنىڭ ورىنباسارى ۆالەري گامازوۆ.
بارلىق نىساندار بويىنشا الدىن الا كونكۋرستىق راسىمدەر وتكىزىلىپ، مەردىگەرلىك ۇيىمدار انىقتالىپ، جۇمىس كەستەسى بەكىتىلدى.
ناقتىلاپ ايتساق، 60 ءبىلىم بەرۋ وبەكتىسىنە كۇردەلى جوندەۋ جۇرگىزۋگە 11,5 ملرد تەڭگە ءبولىندى، ونىڭ ىشىندە «اۋىل-ەل بەسىگى» باعدارلاماسى ەسەبىنەن 5,1 ملرد تەڭگە سوماسىنا 33 ءبىلىم بەرۋ وبەكتىسى جوندەلدى.
سونداي-اق، وبلىستىڭ 485 مەكتەبىندە اعىمداعى جوندەۋ جۇمىستارى جۇرگىزىلدى، وعان 826,4 ملن تەڭگە ءبولىندى.
