Jańa oqý jylyna daıyndyqtyń mańyzdy kezeńderiniń biri bilim berý uıymdaryna kúrdeli jáne aǵymdaǵy jóndeý jumystaryn júrgizý bolyp tabylatyny belgili. Jóndeý jumystaryn ótkizgennen keıin mektep ǵımarattary túbegeıli ózgeretini jasyryn emes.
Mysaly, ótken jyly Arshaly aýdanyndaǵy Anar stanııasynyń mektebi 85 jyl boıy kórmegen jańarýdan keıin turǵyndardyń qýanyshyna aınaldy.
Kúrdeli jóndeýden keıin bilim berý uıymdary jańa kabınetter, sheberhanalar ǵana jabdyqtalmaı, sonymen qatar sport alańdary men yńǵaıly turaǵy bar abattandyrylǵan aýmaqqa ıe bolady.
«Mektepterden basqa jóndeý josparyna 3 balabaqsha, daryndy balalarǵa arnalǵan mekteptegi 1 ınternat ǵımaraty, 2 arnaıy bilim berý uıymy jáne balalarǵa arnalǵan 2 saýyqtyrý ortalyǵy kirdi. Sonymen qatar, bıylǵy jyly negizinen aýyldyq jerlerde ornalasqan nysandarda kúrdeli jóndeý jumystary júrgiziledi», - dep bólisti oblystyq bilim basqarmasy basshynyń orynbasary Valerıı Gamazov.
Barlyq nysandar boıynsha aldyn ala konkýrstyq rásimder ótkizilip, merdigerlik uıymdar anyqtalyp, jumys kestesi bekitildi.
Naqtylap aıtsaq, 60 bilim berý obektisine kúrdeli jóndeý júrgizýge 11,5 mlrd teńge bólindi, onyń ishinde «Aýyl-el besigi» baǵdarlamasy esebinen 5,1 mlrd teńge somasyna 33 bilim berý obektisi jóndeldi.
Sondaı-aq, oblystyń 485 mektebinde aǵymdaǵy jóndeý jumystary júrgizildi, oǵan 826,4 mln teńge bólindi.
