جامبىل وبلىسىندا تانك اۆتوكولىكپەن سوقتىعىسىپ قالدى. بۇل تۋرالى Telegram-داعى egov.press ارناسىندا ۆيدەو تارادى، دەپ حابارلايدى “ادىرنا” ۇلتتىق پورتالى.
«اسكەري تانك جامبىل وبلىسىندا اشىق دالادا كۇتپەگەن جەردەن جەڭىل اۆتوكولىكتى قاعىپ كەتتى. ىشىندە جۇرگىزۋشى بولعان. ەگجەي-تەگجەيلەر انىقتالىپ جاتىر»، - دەلىنگەن جازبادا.
قورعانىس مينيسترلىگى وقيعاعا قاتىستى تۇسىنىكتەمە بەردى.
«2024 جىلدىڭ 28 تامىزىندا گۆاردەيسك گارنيزونى «ماتىبۇلاق» وقۋ-جاتتىعۋ پوليگونىنىڭ اۋماعىندا جاۋىنگەرلىك تەحنيكانىڭ قوزعالىسى كەزىندە Mercedes ماركالى اۆتوكولىگى جول ءجۇرۋ ەرەجەسىن بۇزىپ، ت-72 تانكىمەن سوقتىعىسقان. اسكەري تەحنيكا جۇرەتىن جەرلەردە "تانككە جول بەر" بەلگىسى قويىلعان. جەڭىل جاراقات العان كولىك جۇرگىزۋشىسى اۋرۋحاناعا جاتۋدان باس تارتتى. شاعىمى جوق. قىزمەتتىك تەكسەرىس جۇرگىزىلىپ جاتىر»، - دەدى ول.
