Jambyl oblysynda tank avtokólikpen soqtyǵysyp qaldy. Bul týraly Telegram-daǵy egov.press arnasynda vıdeo tarady, dep habarlaıdy “Adyrna” ulttyq portaly.
«Áskerı tank Jambyl oblysynda ashyq dalada kútpegen jerden jeńil avtokólikti qaǵyp ketti. Ishinde júrgizýshi bolǵan. Egjeı-tegjeıler anyqtalyp jatyr», - delingen jazbada.
Qorǵanys mınıstrligi oqıǵaǵa qatysty túsinikteme berdi.
«2024 jyldyń 28 tamyzynda Gvardeısk garnızony «Mátibulaq» oqý-jattyǵý polıgonynyń aýmaǵynda jaýyngerlik tehnıkanyń qozǵalysy kezinde Mercedes markaly avtokóligi jol júrý erejesin buzyp, T-72 tankimen soqtyǵysqan. Áskerı tehnıka júretin jerlerde "Tankke jol ber" belgisi qoıylǵan. Jeńil jaraqat alǵan kólik júrgizýshisi aýrýhanaǵa jatýdan bas tartty. Shaǵymy joq. Qyzmettik tekseris júrgizilip jatyr», - dedi ol.
