Telegram مەسسەندجەرىنىڭ نەگىزىن قالاۋشى پاۆەل دۋروۆ سوتقا جىبەرىلدى، دەپ حابارلايدى "ادىرنا" ۇلتتىق پورتالى AFP-كە سىلتەپ.
بۇگىن، 28 تامىز ونىڭ سوت سانكتسياسىنسىز قاماۋدا ۇستاۋ مەرزىمىنىڭ سوڭعى كۇنى بولاتىن.
26 تامىزدا دۋروۆتى قاماۋ مەرزىمى 28 تامىزعا دەيىن ۇزارتىلدى، ول 96 ساعاتقا سوزىلۋى مۇمكىن، سودان كەيىن وعان ايىپ تاعىلادى نەمەسە بوساتىلادى.
ەسكە سالا كەتسەك، دۋروۆ 24 تامىز كۇنى كەشكە ءازىربايجاننان ۇشىپ پاريجدەگى لە بۋرجە اۋەجايىندا ۇستالدى. ەكى كۇن بويى فرانتسۋز بيلىگى كاسىپكەردىڭ ىسىنە رەسمي تۇردە تۇسىنىكتەمە بەرمەدى. فرانتسۋز تەرگەۋشىلەرى ونى مەسسەندجەردەگى زاڭسىز ارەكەتتەرگە قاتىسى بار دەپ سانايدى، بۇل Telegram مودەراتسيا ساياساتىمەن بايلانىستى. دۋروۆتىڭ ىسىندە بارلىعى 12 ايىپ تاعىلىپ وتىر. ونىڭ ىشىندە بيلىكپەن ىنتىماقتاستىقتان باس تارتۋ، كامەلەتكە تولماعانداردىڭ پورنوگرافيالىق سۋرەتتەرىن ساقتاۋعا جانە تاراتۋعا قاتىسۋ، ەسىرتكىنىڭ زاڭسىز اينالىمىنا قاتىسۋ جانە ت.ب. بار.
