ماسكەۋ سوتى ۋكراينانىڭ قازاقستانداعى ەكس-ەلشىسىن التى جىلعا سوتتادى، دەپ حابارلايدى "ادىرنا" ۇلتتىق پورتالى.
ريا اگەنتتىگىنىڭ مالىمەتىنشە، باسمان سوتى ۋكراينانىڭ قازاقستانداعى بۇرىنعى ەلشىسى پەتر ۆرۋبلەۆسكيدى سىرتتاي التى جىلعا سوتتاعان. سوت بۇرىنعى ەلشىنى "ۇلتقا جانە تىلگە بولا وشپەندىلىك پەن ارازدىق قوزدىرعانى ءۇشىن" ايىپتى دەپ تانىعانى انىقتالدى.
رەزونانس تۋدىرعان ماسەلە ۆرۋبلەۆسكي 2022 جىلعى سۇحباتى بولعان. ۆرۋبلەۆسكي 2022 جىلعى 21 تامىزدا قازاقستاندا جەرگىلىكتى بلوگەر دياس قۇزايىروۆقا سۇحبات بەرگەن. وندا ەلشى ۋكراينا اسكەرىنىڭ سوعىستا رەسەيلىك ساربازداردى ولتىرگەنىن ماقۇلداعان.
ەلشىنىڭ "ورىس ازاماتتاردى ءولتىرىپ، جويۋ" تاقىرىبىندا ايتقان سوزدەرى جەلىگە تاراپ، قوعامدا ءتۇرلى پىكىر تۋدىردى.
رەسەي سىرتقى ىستەر مينيسترلىگى مەن قازاقستان سىرتقى ىستەر مينيسترلىگى ۋكراينانىڭ ديپلوماتيالىق ۆەدومستۆوسىنا نارازىلىق ءبىلدىرىپ، قازاقستان ءسىم "ۆرۋبلەۆسكي كەشىرىم سۇرادى" دەگەن اقپارات تاراتتى. ارتىنشا 2022 جىلى قازان ايىندا ۋكراينا پرەزيدەنتى ۆلاديمير زەلەنسكي ۆرۋبلەۆسكيدى ۋكراينانىڭ قازاقستانداعى ەلشىسى قىزمەتىنەن بوساتقانىن مالىمدەگەن بولاتىن.
رەسەي 2024 جىلى ۆرۋبلەۆسكيدىڭ ۇستىنەن قىلمىستىق ءىس قوزعاپ، ىزدەۋ جاريالاعان. اقپاندا رەسەي ۋكرايندىق ەلشى روسفينمونيتورينگ پەتر ۆرۋبلەۆسكيدى "تەرروريستەر مەن ەكسترەميستەر" تىزىمىنە ەنگىزدى. ال ارتىنشا ناۋرىزدا ماسكەۋدىڭ باسمان سوتى ونى سىرتتاي قاماۋعا الۋ تۋرالى شەشىم شىعارعان.
كەشە رەسەي سوتى ۋكراينانىڭ بۇرىنعى ەلشىسىن 6 جۆلعا سوتتادى.
