اقمولا وبلىسى ءبىلىم باسقارماسىنىڭ «اقمولا دارىنى» دارىندى بالالار مەن تالانتتى جاستاردى انىقتاۋ جانە قولداۋ جونىندەگى ورتالىعى «بوياۋلار قۇپياسى» جاس سۋرەتشىلەر رەسپۋبليكالىق بايقاۋىنىڭ وبلىستىق كەزەڭىن وتكىزدى.
كوركەمدىك قىزمەتپەن اينالىسۋ ءۇشىن جوعارى ۋاجدەمە جاساۋ، بەينەلەۋ شىعارماشىلىعى سالاسىنداعى جاس تالانتتاردى قولداۋ، بالالار مەن جاسوسپىرىمدەردى ولاردىڭ دارالىعىن، باستاماشىلىعىن اشۋ ءۇشىن ىنتالاندىرۋ، بالالاردى قوسىمشا بىلىممەن قامتۋ باعىتىندا ۇيىمداستىرىلعان جاس سۋرەتشىلەر بايقاۋىندا 14 اۋدان (اقكول، استراحان، اتباسار، ارشالى، بۋراباي، ەگىندىكول، ەرەيمەنتاۋ، ەسىل، جاقسى، جارقايىن، زەرەندى، ساندىقتاۋ، تسەلينوگراد، شورتاندى) جانە كوكشەتاۋ مەن ستەپنوگورسك قالالارىنان بارلىعى 60 قاتىسۋشى قاشىقتىق فورماتتا باق سىناستى.
بايقاۋ 10-13 جانە 14-17 ەكى جاس ساناتىندا بويىنشا وتكىزىلدى.
جۇلدەگەرلەر اقمولا وبلىسى ءبىلىم باسقارماسىنىڭ ديپلومدارىمەن ماراپاتتالدى، جەتەكشىلەرىنە العىس حاتتار تابىستالدى. بۇدان بولەك قاتىسۋشىلارعا قاتىسقانى ءۇشىن سەرتيفيكاتتار بەرىلدى.
بايقاۋدىڭ 1 ورىن يەلەنگەن جەڭىمپازدارى اقمولا وبلىسىنىڭ اتىنان رەسپۋبليكالىق كەزەڭگە قاتىسادى.
جەڭىمپازدار مەن جۇلدەگەرلەر ءتىزىمى اقمولا وبلىسى ءبىلىم باسقارماسىنىڭ سايتىندا جاريالاندى.
