Aqmola oblysy bilim basqarmasynyń «Aqmola daryny» daryndy balalar men talantty jastardy anyqtaý jáne qoldaý jónindegi ortalyǵy «Boıaýlar qupııasy» jas sýretshiler respýblıkalyq baıqaýynyń oblystyq kezeńin ótkizdi.
Kórkemdik qyzmetpen aınalysý úshin joǵary ýájdeme jasaý, beıneleý shyǵarmashylyǵy salasyndaǵy jas talanttardy qoldaý, balalar men jasóspirimderdi olardyń daralyǵyn, bastamashylyǵyn ashý úshin yntalandyrý, balalardy qosymsha bilimmen qamtý baǵytynda uıymdastyrylǵan jas sýretshiler baıqaýynda 14 aýdan (Aqkól, Astrahan, Atbasar, Arshaly, Býrabaı, Egindikól, Ereımentaý, Esil, Jaqsy, Jarqaıyn, Zerendi, Sandyqtaý, elınograd, Shortandy) jáne Kókshetaý men Stepnogorsk qalalarynan barlyǵy 60 qatysýshy qashyqtyq formatta baq synasty.
Baıqaý 10-13 jáne 14-17 eki jas sanatynda boıynsha ótkizildi.
Júldegerler Aqmola oblysy bilim basqarmasynyń dıplomdarymen marapattaldy, jetekshilerine alǵys hattar tabystaldy. Budan bólek qatysýshylarǵa qatysqany úshin sertıfıkattar berildi.
Baıqaýdyń 1 oryn ıelengen jeńimpazdary Aqmola oblysynyń atynan respýblıkalyq kezeńge qatysady.
Jeńimpazdar men júldegerler tizimi Aqmola oblysy bilim basqarmasynyń saıtynda jarııalandy.
