Ақмола облысы білім басқармасының «Ақмола дарыны» дарынды балалар мен талантты жастарды анықтау және қолдау жөніндегі орталығы «Бояулар құпиясы» жас суретшілер республикалық байқауының облыстық кезеңін өткізді.
Көркемдік қызметпен айналысу үшін жоғары уәждеме жасау, бейнелеу шығармашылығы саласындағы жас таланттарды қолдау, балалар мен жасөспірімдерді олардың даралығын, бастамашылығын ашу үшін ынталандыру, балаларды қосымша біліммен қамту бағытында ұйымдастырылған жас суретшілер байқауында 14 аудан (Ақкөл, Астрахан, Атбасар, Аршалы, Бурабай, Егіндікөл, Ерейментау, Есіл, Жақсы, Жарқайын, Зеренді, Сандықтау, Целиноград, Шортанды) және Көкшетау мен Степногорск қалаларынан барлығы 60 қатысушы қашықтық форматта бақ сынасты.
Байқау 10-13 және 14-17 екі жас санатында бойынша өткізілді.
Жүлдегерлер Ақмола облысы білім басқармасының дипломдарымен марапатталды, жетекшілеріне алғыс хаттар табысталды. Бұдан бөлек қатысушыларға қатысқаны үшін сертификаттар берілді.
Байқаудың 1 орын иеленген жеңімпаздары Ақмола облысының атынан республикалық кезеңге қатысады.
Жеңімпаздар мен жүлдегерлер тізімі Ақмола облысы білім басқармасының сайтында жарияланды.
