قازاقستان جۋرناليستەر وداعى تانىمال Telegram مەسسەندجەرىنىڭ نەگىزىن قالاۋشى پاۆەل دۋروۆتىڭ ۇستالۋى ءسوز بوستاندىعىنا كەرى اسەرىن تيگىزۋى مۇمكىن ەكەنىن ايتۋدا، دەپ حابارلايدى “ادىرنا” ۇلتتىق پورتالى.
«قازاقستان جۋرناليستەر وداعى فرانتسيا بيلىگىن پاۆەل دۋروۆتىڭ نەگىزگى قۇقىقتارى مەن بوستاندىقتارىن ساقتاۋدى قامتاماسىز ەتۋگە جانە وسى ءىس بويىنشا وبەكتيۆتى تەرگەۋ جۇرگىزۋگە شاقىرادى»، - دەلىنگەن قجو جەكسەنبى كۇنگى مالىمدەمەسىندە.
قازاقستاننىڭ باس جۋرناليستىك ۇيىمى دۋروۆتىڭ ۇستالۋى بوستاندىق، دەموكراتيا جانە ءسوز بوستاندىعى پرينتسيپتەرى ءۇشىن كۇرەسەتىندەردىڭ بارلىعىن الاڭداتقانىن اتاپ ءوتتى.
«رەسمي تىركەلگەن تاۋەلسىز دەموكراتيالىق باق تۇراقتى تۇردە قۋدالاۋعا ۇشىرايتىن نەمەسە مۇلدەم جۇمىسىن توقتاتاتىن، ينتەرنەت سايتتارى ۇنەمى بۇعاتتالىپ تۇراتىن بىرقاتار ەلدەردە پاۆەل دۋروۆ جاساعان Telegram قازىرگى ۋاقىتتا اقپاراتتىڭ جالعىز كوزى ەكەنىن ەسكەرۋ ماڭىزدى. ەسكە سالايىق، پاۆەل دۋروۆ 2018 جىلى ءدال تسەنزۋراعا قارسى ءپرينتسيپتى ۇستانىمى ءۇشىن قازاقستان جۋرناليستەر وداعى سىيلىعىنىڭ لاۋرەاتى اتاندى جانە ونىڭ قاماۋعا الىنۋى دەموكراتياسى ءالسىز دامۋشى ەلدەردەگى ءسوز بوستاندىعى مەن ادام قۇقىقتارىنا كەرى اسەر ەتۋى مۇمكىن»، - دەپ اتاپ ءوتتى وداق.
فرانتسيا تاريحي تۇردە بۇكىل الەم ءۇشىن دەموكراتيانىڭ بەرىك نەگىزى جانە جەتەكشىسى بولىپ تابىلادى، سوندىقتان قازاقستان جۋرناليستەر وداعى دەموكراتيا قاعيداسىنا جاۋاپ بەرەتىن ءادىل شەشىم شىعاراتىنداي تەرگەۋ امالدارى وبەكتيۆتى تۇردە جۇرگىزىلەدى دەگەن ۇمىتتە.
ەسكە سالا كەتەيىك، 24 تامىزدا دۋروۆ فرانتسيانىڭ لە بۋرجە اۋەجايىندا ۇستالعان بولاتىن. فرانتسۋز اقپارات قۇرالدارىنىڭ حابارلاۋىنشا، دۋروۆ Telegram-نىڭ نەگىزىن قالاۋشى رەتىندە ەسىرتكى ساۋداسى، بالالارعا قارسى قىلمىستار مەن الاياقتىقتاردىڭ سىبايلاسى بولىپ سانالادى.
دۋروۆ تسەنزۋراعا جانە ازاماتتاردىڭ ينتەرنەتتەگى ەركىن حات الماسۋىنا ۇكىمەتتىڭ ارالاسۋىنا قارسى ۇستانىمدى ۇستانىمى ءۇشىن قازاقستان جۋرناليستەر وداعى سىيلىعىنىڭ لاۋرەاتى.
