Qazaqstan jýrnalıster odaǵy tanymal Telegram messendjeriniń negizin qalaýshy Pavel Dýrovtyń ustalýy sóz bostandyǵyna keri áserin tıgizýi múmkin ekenin aıtýda, dep habarlaıdy “Adyrna” ulttyq portaly.
«Qazaqstan Jýrnalıster odaǵy Franııa bıligin Pavel Dýrovtyń negizgi quqyqtary men bostandyqtaryn saqtaýdy qamtamasyz etýge jáne osy is boıynsha obektıvti tergeý júrgizýge shaqyrady», - delingen QJO jeksenbi kúngi málimdemesinde.
Qazaqstannyń bas jýrnalıstik uıymy Dýrovtyń ustalýy bostandyq, demokratııa jáne sóz bostandyǵy prınıpteri úshin kúresetinderdiń barlyǵyn alańdatqanyn atap ótti.
«Resmı tirkelgen táýelsiz demokratııalyq BAQ turaqty túrde qýdalaýǵa ushyraıtyn nemese múldem jumysyn toqtatatyn, ınternet saıttary únemi buǵattalyp turatyn birqatar elderde Pavel Dýrov jasaǵan Telegram qazirgi ýaqytta aqparattyń jalǵyz kózi ekenin eskerý mańyzdy. Eske salaıyq, Pavel Dýrov 2018 jyly dál enzýraǵa qarsy prınıpti ustanymy úshin Qazaqstan Jýrnalıster odaǵy syılyǵynyń laýreaty atandy jáne onyń qamaýǵa alynýy demokratııasy álsiz damýshy elderdegi sóz bostandyǵy men adam quqyqtaryna keri áser etýi múmkin», - dep atap ótti Odaq.
Franııa tarıhı túrde búkil álem úshin demokratııanyń berik negizi jáne jetekshisi bolyp tabylady, sondyqtan Qazaqstan Jýrnalıster odaǵy demokratııa qaǵıdasyna jaýap beretin ádil sheshim shyǵaratyndaı tergeý amaldary obektıvti túrde júrgiziledi degen úmitte.
Eske sala keteıik, 24 tamyzda Dýrov Franııanyń Le Býrje áýejaıynda ustalǵan bolatyn. Franýz aqparat quraldarynyń habarlaýynsha, Dýrov Telegram-nyń negizin qalaýshy retinde esirtki saýdasy, balalarǵa qarsy qylmystar men alaıaqtyqtardyń sybaılasy bolyp sanalady.
Dýrov enzýraǵa jáne azamattardyń ınternettegi erkin hat almasýyna úkimettiń aralasýyna qarsy ustanymdy ustanymy úshin Qazaqstan Jýrnalıster odaǵy syılyǵynyń laýreaty.
