Telegram مەسسەندجەرىنىڭ نەگىزىن قالاۋشى پاۆەل دۋروۆ پاريجدەگى لۋۆر مۋزەيىندە بولعان ۇرلىقتى ء«بىر كەزدە ۇلى بولعان فرانتسيانىڭ قۇلدىراۋىنىڭ بەلگىسى» دەپ سيپاتتاپ، ۇرلانعان اشەكەيلەردى ساتىپ الۋدى ۇسىندى، دەپ حابارلايدى "ادىرنا" ۇلتتىق پورتالى.
ول كەرى ساتىپ العان اشەكەيدى ابۋ-دابيدەگى لۋۆرعا قايتارۋعا دايىن ەكەنىن مالىمدەگەن.
دۋروۆتىڭ ايتۋىنشا، بۇل وقيعا ەلدىڭ جۇيەلى ماسەلەلەرىن جانە بيلىكتىڭ شىنايى قاۋىپتەرگە قارسى ارەكەت ەتە الماۋىن كورسەتەدى.
«لۋۆردىڭ تونالۋى مەنى مۇلدە تاڭعالدىرمادى. بۇل – ءبىر كەزدەرى ۇلى بولعان ەلدىڭ قۇلدىراۋىنىڭ تاعى ءبىر قايعىلى بەلگىسى. ۇكىمەت حالىقتى ناقتى ماسەلەلەردەن الاڭداتۋ ونەرىن جەتىلدىرىپ العان»، – دەپ جازدى كاسىپكەر الەۋمەتتىك جەلى X-تەگى پاراقشاسىندا.
كەيىن ول ۇرلانعان بۇيىمداردى ساتىپ الىپ، ولاردى ابۋ-دابيدەگى لۋۆرعا بەرۋگە دايىن ەكەنىن ايتتى.
«ۇرلانعان اشەكەيلەردى قۋانا ساتىپ الىپ، لۋۆرعا قايتارامىن. ارينە، مەن ابۋ-دابيدەگى لۋۆردى ايتىپ وتىرمىن. ول جاقتان ەشكىم ەشتەڭە ۇرلامايدى»، – دەپ ءازىل قوستى دۋروۆ.
ەسكە سالايىق، لۋۆرداعى ۇرلىق 19 قازان كۇنى تاڭەرتەڭ بولعان. پاريج پروكۋراتۋراسىنىڭ مالىمەتىنشە، ۇرىلار يمپەراتريتسا ماريا-لۋيزانىڭ كوللەكتسياسىنداعى القا مەن سىرعالاردى، سونداي-اق پاتشايىم ماريا-اماليا، گورتەنزيا دە بوگارنە جانە يمپەراتريتسا ەۆگەنيانىڭ زەرگەرلىك بۇيىمدارىن الىپ كەتكەن.
