قازاقستان تراسەكا-داعى ۇلتتىق حاتشىسىن تاعايىندادى، دەپ حابارلايدى «ادىرنا» ءتىلشىسى.
«1998 جىلعى 8 قىركۇيەكتەگى ەۋروپا – كاۆكاز – ازيا ءدالىزىن دامىتۋ جونىندەگى حالىقارالىق كولىك تۋرالى نەگىزگى كوپجاقتى كەلىسىمنىڭ 9-بابىنا جانە 2010 جىلعى 13 قازانداعى تراسەكا ۇكىمەتارالىق كوميسسياسى بەكىتكەن تراسەكا ۇكىمەتارالىق كوميسسياسىنىڭ تۇراقتى حاتشىلىعى تۋرالى ەرەجەنىڭ 6-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: ساپار بەكتاسوۆ تراسەكا ۇكىمەتارالىق كوميسسياسى تۇراقتى حاتشىلىعىنىڭ قازاقستان رەسپۋبليكاسىنداعى تۇراقتى وكىلدىگىنىڭ باسشىسى (ۇلتتىق حاتشىسى) بولىپ تاعايىندالسىن»، - دەلىنگەن قاۋلىدا.
ايتا كەتەيىك، بەكتاسوۆ بۇعان دەيىن كولىك مينيستىرلىگىنىڭ كولىك ساياساتى دەپارتامەنتىن باسقارعان ەدى.
تراسەكا (TRASECA - Transport Corridor Europe-Caucasus-Asia) - قارا تەڭىزدى كەسىپ ءوتىپ، كاۆكاز جانە كاسپي تەڭىزدەرى ارقىلى ورتالىق ازياعا شىعاتىن، ەۋروپادان باتىس-شىعىس باعىتىنداعى ەۋروازيالىق كولىك ءدالىزى.
