Qazaqstan TRASEKA-daǵy Ulttyq hatshysyn taǵaıyndady, dep habarlaıdy «Adyrna» tilshisi.
«1998 jylǵy 8 qyrkúıektegi Eýropa – Kavkaz – Azııa dálizin damytý jónindegi halyqaralyq kólik týraly negizgi kópjaqty kelisimniń 9-babyna jáne 2010 jylǵy 13 qazandaǵy TRASEKA Úkimetaralyq komıssııasy bekitken TRASEKA úkimetaralyq komıssııasynyń turaqty hatshylyǵy týraly erejeniń 6-babyna sáıkes Qazaqstan Respýblıkasynyń Úkimeti qaýly etedi: Sapar Bektasov TRASEKA Úkimetaralyq komıssııasy turaqty hatshylyǵynyń Qazaqstan Respýblıkasyndaǵy turaqty ókildiginiń basshysy (Ulttyq hatshysy) bolyp taǵaıyndalsyn», - delingen qaýlyda.
Aıta keteıik, Bektasov buǵan deıin kólik mınıstirliginiń kólik saıasaty departamentin basqarǵan edi.
TRASEKA (TRASECA - Transport Corridor Europe-Caucasus-Asia) - Qara teńizdi kesip ótip, Kavkaz jáne Kaspıı teńizderi arqyly Ortalyq Azııaǵa shyǵatyn, Eýropadan Batys-Shyǵys baǵytyndaǵy eýroazııalyq kólik dálizi.
