Parıj Olımpıadasynda besinshi oryn alǵan qazaqstandyq dzıýdoshy Ábıba Ábýjaqynovaǵa taǵy bir kólik syıǵa berildi, dep habarlaıdy «Adyrna» tilshisi.
«Jeńis» dzıýdo klýbynyń prezıdenti Almaz Álsenov óz atynan tanymal dzıýdoshyǵa sý jańa BMW H3 krossoverin tartý etti.
«Bul – bir kúndik emes, kóp jyldyq eńbegimniń, mańdaı terimmen, tynymsyz jattyǵýlardyń nátıjesinde jetken syı dep qabyldaımyn. Bárińizdiń qoldaýlaryńyzǵa rızamyn! Áli-aq sizderdiń úmitterińizdi aqtap, qoldaýlaryńyzdyń óteýi retinde jeńisti joldy jalǵastyramyn dep ýáde beremin», - dep rızashylyǵyn bildirdi Ábıba Ábýjaqynova.
Buǵan deıin sportshyǵa «Respýblıka» partııasynyń tóraǵasy Aıdarbek Hodjanazarov pen Atyraý oblysynyń ákimi Serik Shápkenov temir tulpardyń kiltin tabystaǵan edi.
