ەربولات دوساەۆ «دامۋ بالا» باعدارلاماسىنىڭ جەتكىزۋشىلەرىنە تولەم جاعىن شەشۋدى تاپسىردى.الماتىدا «دامۋ بالا» باعدارلاماسىنا قاتىستى جۇيەلى ءتارتىپ ورناتىلادى. تەك ادال قىزمەت كورسەتەتىن جەتكىزۋشىلەر جۇمىس ىستەي الادى. بۇل تۋرالى قالا اكىمى ەربولات دوساەۆ مەدەۋ اۋدانىنىڭ تۇرعىندارىمەن كەزدەسۋدە مالىمدەدى.
اكىم الماتى ەلىمىزدەگى «دامۋ بالا» باعدارلاماسىنا جەتكىلىكتى كولەمدە اقشا بولگەن جالعىز ءوڭىر ەكەنىن اتاپ ءوتتى.
«كوپشىلىگى باعدارلامانى قىسقارتتى. بىزدە قالاعا 16,5 ملرد تەڭگە ءبولىندى. ءبىز باعدارلامانى ۇنەمى قولداپ وتىرامىز جانە ونى ودان سايىن جاقسارتامىز دەپ ۇمىتتەنەمىز»، - دەدى اكىم حالىقتىڭ سۇراقتارىنا جاۋاپ بەرە وتىرىپ.
سونداي-اق، اكىم «ارتسپورت» پلاتفورماسىنان «دامۋ بالا» پلاتفورماسىنا كوشۋ كەزىندە ەسكى ۆاۋچەرلەر قالعانىن، ولار وسى جىلدىڭ سوڭىنا دەيىن جارامدى ەكەنىن ايتتى.
«جاڭا جىلدا – جۇيەلى ءتارتىپ پەن ادال قىزمەت كورسەتەتىن كاسىپكەرلەردەن تۇراتىن جاڭا ۆاۋچەرلەر بولادى. باعدارلامانى قۋانا قولدايمىن جانە قاجەت بولسا «دامۋ بالا» باعدارلاماسىن كەڭەيتۋ ءۇشىن قوسىمشا قارجى كوزدەرىن تابامىن. ءبىز وتكەن جىلدىڭ ەكىنشى جارتىسىنان جانە بيىلدان باستاپ ساپالى قىزمەت كورسەتۋشىلەردى تابۋعا تىرىسامىز»، - دەدى اكىم.
سونداي-اق، قالا باسشىسى قارجى باسقارماسى مەن مەدەۋ اۋدانىنىڭ اكىمدىگىنە كاسىپكەرلەرگە، «دامۋ بالا» باعدارلاماسى بويىنشا قىزمەت كورسەتۋشىلەرگە اقشا تولەۋگە قاتىستى ماسەلەلەردى شەشۋدى تاپسىردى.
«ءبىز تامىز ايىنىڭ سوڭىنا دەيىن بارلىق اكتىنى سالىستىرىپ تەكسەرىپ، تولەم جاسايمىز»، - دەدى اۋدان اكىمى ەركەبۇلان ورازالين.
