استانا قالالىق قىلمىستىق ىستەر جونىندەگى سوتى ەكس-شەنەۋنىك ارىستانبەك مۇحامەديۇلىنا جانە ونىمەن بىرگە سوتتالعان باسقا دا ادامدارعا قاتىستى ۇكىمدى اپپەلياتسيالىق تارتىپپەن قايتا قارادى. بۇل تۋرالى بۇگىن، 21 تامىزدا استانا قالالىق سوتىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
ءبىرىنشى ۇكىمگە قورعاۋشىلار، سوتتالۋشىلار جانە ولاردىڭ ادۆوكاتتارى شاعىمدانعان ەدى.
«استانا قالالىق سوتىنىڭ سوت القاسى شاعىمداردىڭ دالەلدەرىن زەردەلەپ، پروتسەسكە قاتىسۋشىلاردى تىڭداپ، قىلمىستىق ءىستىڭ ماتەريالدارىن زەرتتەپ، سوتتالعانداردىڭ كىناسىنىڭ دالەلدەنگەنى تۋرالى سوت قورىتىندىلارىمەن كەلىستى. ءبىرىنشى ساتىداعى سوت ۇكىمىنىڭ كۇشىن جويۋ نەمەسە وزگەرتۋ ءۇشىن نەگىزدەر انىقتالمادى. ۇكىم زاڭدى كۇشىنە ەندى»،—دەلىنگەن حابارلامادا.
مادەنيەت جانە سپورت مينيسترلىگىنىڭ تالابى قاناعاتتاندىرىلىپ، 3,5 ملرد تەڭگەدەن استام سومادا كەلتىرىلگەن زالال ءوندىرىلدى.
ەسكك سالايىق، بۇعان دەيىن ارىستانبەك مۇحامەديۇلى «ديپلومات» قوناق ءۇيى جانە ۇلتتىق مۋزەيگە قاتىستى قىلمىستىق ءىس بويىنشا كىنالى دەپ تانىلىپ، 11 جىلعا سوتتالعان ەدى.
